చెలువుఁడ నీవు మేలు చిత్తమె తీలుగాని
(॥పల్లవి॥)
చెలువుఁడ నీవు మేలు చిత్తమె తీలుగాని
పలుకులఁ దనిసితి బాస లెట్టో కాని
(॥చెలు॥)
అంది నీ మాటలు మోవి యమృతపుఁ దీపె పో
చిందర నీ చేఁతలె చేఁదు గాని
విందుల నీ ప్రియములు వెన్నకంటె నున్ననె పో
కందువ నీ గుండె యిదె కడురాయి గాని
(॥చెలు॥)
సొంపుల నీ యిచ్చకాలు చుక్కలకంటె గనము
గుంపెన నీ గుణమె కొంచము గాని
తంపి నీ చుట్టరికము తామెరకంటె దంపర
యింపు నీ వలపె యార డిన్నిటిలోఁ గాని
(॥చెలు॥)
గరిమె నీ నగవులు కప్పురాలకంటెఁ జవి
కరఁగు నీ విడెమె కారము గాని
యిరవై శ్రీ వెంకటేశ యిట్టె నన్నుఁ గూడితివి
సరవు లిప్పుడు మేలు సటదొల్లెకాని
(||pallavi||)
sĕluvum̐ḍa nīvu melu sittamĕ tīlugāni
palugulam̐ danisidi bāsa lĕṭṭo kāni
(||sĕlu||)
aṁdi nī māḍalu movi yamṛtabum̐ dībĕ po
siṁdara nī sem̐talĕ sem̐du gāni
viṁdula nī priyamulu vĕnnagaṁṭĕ nunnanĕ po
kaṁduva nī guṁḍĕ yidĕ kaḍurāyi gāni
(||sĕlu||)
sŏṁpula nī yichchagālu sukkalagaṁṭĕ ganamu
guṁpĕna nī guṇamĕ kŏṁchamu gāni
taṁpi nī suṭṭarigamu tāmĕragaṁṭĕ daṁpara
yiṁpu nī valabĕ yāra ḍinniḍilom̐ gāni
(||sĕlu||)
garimĕ nī nagavulu kappurālagaṁṭĕm̐ javi
karam̐gu nī viḍĕmĕ kāramu gāni
yiravai śhrī vĕṁkaḍeśha yiṭṭĕ nannum̐ gūḍidivi
saravu lippuḍu melu saḍadŏllĕgāni