చెలులము నేమెందాఁకా చేరి విన్నవించేము
(॥పల్లవి॥)
చెలులము నేమెందాఁకా చేరి విన్నవించేము
సొలసి నిన్నుఁ జూడఁగ చుఱుకనె మనసు
(॥చెలు॥)
ఈడనేకతమాడఁగా నింతి నన్నుఁ గోపగించె
ఆడరాదా అందు గొంత ఆపెతోడను
వాడుమోవి వంచుకొనె వత్తివలెనాయ మేను
చూడరాదా ఆపెదిక్కు చుఱుకనె మనసు
(॥చెలు॥)
చెంగలించి నీవు రచ్చసేయఁగా నీతోనలిగె
అంగవించి వుండరాదా ఆకింటాఁ గొంత
కుంగి చేతిపైనొరగి గొబ్బున మెయి చెమరించె
చుంగుపయ్యదెత్తరాదా చుఱుకనె మనసు
(॥చెలు॥)
వలపంతటాఁ జల్లఁగా వనిత నిన్ను దూరీని
కలయఁ జల్లఁగరాదా కామినిమీఁద
యెలమి శ్రీ వేంకటేశ యిప్పుడాకెఁ గూడితివి
సళువు దెలుపరాదా చుఱుకనె మనసు
(||pallavi||)
sĕlulamu nemĕṁdām̐kā seri vinnaviṁchemu
sŏlasi ninnum̐ jūḍam̐ga suṟuganĕ manasu
(||sĕlu||)
īḍanegadamāḍam̐gā niṁti nannum̐ gobagiṁchĕ
āḍarādā aṁdu gŏṁta ābĕdoḍanu
vāḍumovi vaṁchugŏnĕ vattivalĕnāya menu
sūḍarādā ābĕdikku suṟuganĕ manasu
(||sĕlu||)
sĕṁgaliṁchi nīvu rachchaseyam̐gā nīdonaligĕ
aṁgaviṁchi vuṁḍarādā āgiṁṭām̐ gŏṁta
kuṁgi sedibainŏragi gŏbbuna mĕyi sĕmariṁchĕ
suṁgubayyadĕttarādā suṟuganĕ manasu
(||sĕlu||)
valabaṁtaḍām̐ jallam̐gā vanida ninnu dūrīni
kalayam̐ jallam̐garādā kāminimīm̐da
yĕlami śhrī veṁkaḍeśha yippuḍāgĕm̐ gūḍidivi
saḽuvu dĕlubarādā suṟuganĕ manasu