చెలులాల యీ భావము చెప్పఁగ నలవిగాదు
(॥పల్లవి॥)
చెలులాల యీ భావము చెప్పఁగ నలవిగాదు
వలపుల పంటవండి వలసినట్టున్నది
(॥చెలు॥)
వనితచెక్కుచేతితో వజ్రాలకమ్మ వొరయ
ఎనసి చింతించే భావమెట్లున్నది
ఘన తాప సూర్యుఁడును కమలాబాణమును
తనపై దండెత్తనేకాంతమాడినట్టున్నది
(॥చెలు॥)
పమ్మిన నిట్టూర్పులు పళ్ళెపుమోవినొరయ
యిమ్ములఁ గందినభావమెట్టున్నది
చిమ్మిరేఁగి చల్లగాలి చిగురుటడిదమును
కొమ్మను సాదించ పొత్తుగూడినట్టున్నది
(॥చెలు॥)
దిట్టు శ్రీ వెంకటేశురతివేళ కాంతకు
యిట్టె బొమ్మలపైఁ గురులెట్టున్నది
తొట్టి మరువిండ్లును తుమ్మిదలు యీకెతోడి
చుట్టురికానకు వచ్చి జోడైనట్టున్నది
(||pallavi||)
sĕlulāla yī bhāvamu sĕppam̐ga nalavigādu
valabula paṁṭavaṁḍi valasinaṭṭunnadi
(||sĕlu||)
vanidasĕkkusedido vajrālagamma vŏraya
ĕnasi siṁtiṁche bhāvamĕṭlunnadi
ghana tāba sūryum̐ḍunu kamalābāṇamunu
tanabai daṁḍĕttanegāṁtamāḍinaṭṭunnadi
(||sĕlu||)
pammina niṭṭūrbulu paḽḽĕbumovinŏraya
yimmulam̐ gaṁdinabhāvamĕṭṭunnadi
simmirem̐gi sallagāli siguruḍaḍidamunu
kŏmmanu sādiṁcha pŏttugūḍinaṭṭunnadi
(||sĕlu||)
diṭṭu śhrī vĕṁkaḍeśhuradiveḽa kāṁtagu
yiṭṭĕ bŏmmalabaim̐ gurulĕṭṭunnadi
tŏṭṭi maruviṁḍlunu tummidalu yīgĕdoḍi
suṭṭurigānagu vachchi joḍainaṭṭunnadi