చెలుల మెందాఁక నీకు చెప్పేము బుద్ధి
(॥పల్లవి॥)
చెలుల మెందాఁక నీకు చెప్పేము బుద్ధి
నిలుచుకున్నది యింతి నీరాకకెదురు
(॥చెలుల॥)
పలికితివాకెతోడ పంచమవేదములు
తలఁచుకోవయ్య నీవు తగులాయాలు
పిలిచితిమిదే నిన్ను ప్రియమెల్లాఁ జెప్పితిమి
తెలుకోవయ్య యిట్టె తేనెమోవితీపులు
(॥చెలుల॥)
కురిసితివి నవ్వుల గురిగాఁబువ్వులవాన
కరఁగుకోవయ్య లోలో గట్టిమనసు
మరిగించితివి మరి మచ్చికలు సేసితివి
వొరసుకోవయ్య చన్నులొగిఁ బైఁడికుండలు
(॥చెలుల॥)
పెట్టితివి చూపులనే పెనకప్పురవీడేలు
మెట్టురయ్య పాదములు మీరు మీలోన
యిట్టె శ్రీ వెంకటేశ యిద్దరిఁ గూరిచితిమి
జట్టిగొనవయ్య నీవు సరసపురతులు
(||pallavi||)
sĕlula mĕṁdām̐ka nīgu sĕppemu buddhi
nilusugunnadi yiṁti nīrāgagĕduru
(||sĕlula||)
paligidivāgĕdoḍa paṁchamavedamulu
talam̐sugovayya nīvu tagulāyālu
pilisidimide ninnu priyamĕllām̐ jĕppidimi
tĕlugovayya yiṭṭĕ tenĕmovidībulu
(||sĕlula||)
kurisidivi navvula gurigām̐buvvulavāna
karam̐gugovayya lolo gaṭṭimanasu
marigiṁchidivi mari machchigalu sesidivi
vŏrasugovayya sannulŏgim̐ baim̐ḍiguṁḍalu
(||sĕlula||)
pĕṭṭidivi sūbulane pĕnagappuravīḍelu
mĕṭṭurayya pādamulu mīru mīlona
yiṭṭĕ śhrī vĕṁkaḍeśha yiddarim̐ gūrisidimi
jaṭṭigŏnavayya nīvu sarasaburadulu