(॥పల్లవి॥)
చెల్లునయ్యా యీ చేఁతలు చెలియకు నీకును
చిల్లర చెనకులకు సిగ్గే యానందము
(॥చెల్లు॥)
సతులకుఁ బతులకూ జవ్వనమే భాగ్యము
రతివేళలనెల్లా రహస్యమే వేడుక
తతితో మనసులకు తలపోఁతే పండుగ
సతమైన మోహాలకు సరసమే సౌఖ్యము
(॥చెల్లు॥)
వొట్టిన తమకములకొద్దనుండుటే ఫలము
ముట్టినయాసలకు మోముచూపే తనివి
పట్టరానికోరికకు పచ్చిమాటే సోబనము
చిట్టుకపుచేఁతలకు చిరునవ్వే లాభము
(॥చెల్లు॥)
ననుపైన కూటమికి నాటుగోరే సింగారము
పెనఁగుటకు కాఁగిటిబిగువులే సంపద
యెనసితివి శ్రీ వేంకటేశ యలమేల్మంగను
చనవులకును మోవిచవులె సామ్రాజ్యాలు
(||pallavi||)
sĕllunayyā yī sem̐talu sĕliyagu nīgunu
sillara sĕnagulagu sigge yānaṁdamu
(||sĕllu||)
sadulagum̐ badulagū javvaname bhāgyamu
radiveḽalanĕllā rahasyame veḍuga
tadido manasulagu talabom̐te paṁḍuga
sadamaina mohālagu sarasame saukhyamu
(||sĕllu||)
vŏṭṭina tamagamulagŏddanuṁḍuḍe phalamu
muṭṭinayāsalagu momusūbe tanivi
paṭṭarānigorigagu pachchimāḍe sobanamu
siṭṭugabusem̐talagu sirunavve lābhamu
(||sĕllu||)
nanubaina kūḍamigi nāḍugore siṁgāramu
pĕnam̐guḍagu kām̐giḍibiguvule saṁpada
yĕnasidivi śhrī veṁkaḍeśha yalamelmaṁganu
sanavulagunu movisavulĕ sāmrājyālu