చెల్లునంటా వచ్చి వచ్చి చెట్టవట్టేవు
(॥పల్లవి॥)
చెల్లునంటా వచ్చి వచ్చి చెట్టవట్టేవు
తొల్లియు నెందరినిట్టే దొమ్ములఁ బెట్టితివో
(॥చెల్లు॥)
ఆఁపరాని తమకాన నాసచేసేఁ గాక యింత-
మాఁపు దాఁకా నీ తోడి మాటలేలరా
దాఁపరాని మదనముద్రలు మేననవె నీకు
నేఁపుచు భ్రమలఁ బెట్టి యెవ్వతె సేసినవో
(॥చెల్లు॥)
ఉండలేక నీ వద్దనే వుసురంటిఁ గాక యింత-
బండు బండు సేసిన యీప్రాణమేలరా
పుండుగాఁగఁ జిత్తమెల్లాఁ బొక్కఁ జేసితివి నా-
యండనుండే యెవ్వతెకు నమ్ముడు వోయితివో
(॥చెల్లు॥)
తనివోక నేనింత దగ్గరనిచ్చితిఁ గాక
చనువున నిన్ను జేయి చాఁచనిత్తునా
ఘనుఁడ వేంకటరాయ కమ్మని యీ విరులు
మునుపనెవ్వతో నీపై ముడిచి వేసినవో
(||pallavi||)
sĕllunaṁṭā vachchi vachchi sĕṭṭavaṭṭevu
tŏlliyu nĕṁdariniṭṭe dŏmmulam̐ bĕṭṭidivo
(||sĕllu||)
ām̐parāni tamagāna nāsasesem̐ gāga yiṁta-
mām̐pu dām̐kā nī toḍi māḍalelarā
dām̐parāni madanamudralu menanavĕ nīgu
nem̐pusu bhramalam̐ bĕṭṭi yĕvvadĕ sesinavo
(||sĕllu||)
uṁḍalega nī vaddane vusuraṁṭim̐ gāga yiṁta-
baṁḍu baṁḍu sesina yīprāṇamelarā
puṁḍugām̐gam̐ jittamĕllām̐ bŏkkam̐ jesidivi nā-
yaṁḍanuṁḍe yĕvvadĕgu nammuḍu voyidivo
(||sĕllu||)
tanivoga neniṁta daggaranichchidim̐ gāga
sanuvuna ninnu jeyi sām̐sanittunā
ghanum̐ḍa veṁkaḍarāya kammani yī virulu
munubanĕvvado nībai muḍisi vesinavo