(॥పల్లవి॥)
చెల్లుఁగా కిటు నీకే చింతింపఁగా పూరి-
పుల్ల మేరువు సేయ భూమిలో నిపుడు
(॥చెల్లు॥)
చెలఁగి నే మునుసేసినచేఁత లుండఁగా
మలసి నేఁ దిరుగుతిమ్మట లుండఁగా
తొలఁగఁదోసి తప్పుడుతోడనే లోహంబు
వెలయ బంగారుగావించినగతిని
(॥చెల్లు॥)
బిగిసి నామైనున్న పెనుకట్లుండఁగా
జగడగాండ్లు పగచాటఁగను
జిగిగలచేఁతిముసిఁడికాయయగునన్ను
మొగిఁ గల్పకము ఫలముగఁ జేయవసమా
(॥చెల్లు॥)
పొదిలిన యింద్రియంబులు వెంట రాఁగా
మదివికారము నే మరుగఁగానే
వదలకు వేంకటేశ్వర నన్ను నిదే నీ -
పదపంకజములు చేర్పఁగ నిది వసమా
(||pallavi||)
sĕllum̐gā kiḍu nīge siṁtiṁpam̐gā pūri-
pulla meruvu seya bhūmilo nibuḍu
(||sĕllu||)
sĕlam̐gi ne munusesinasem̐ta luṁḍam̐gā
malasi nem̐ dirugudimmaḍa luṁḍam̐gā
tŏlam̐gam̐dosi tappuḍudoḍane lohaṁbu
vĕlaya baṁgārugāviṁchinagadini
(||sĕllu||)
bigisi nāmainunna pĕnugaṭluṁḍam̐gā
jagaḍagāṁḍlu pagasāḍam̐ganu
jigigalasem̐timusim̐ḍigāyayagunannu
mŏgim̐ galbagamu phalamugam̐ jeyavasamā
(||sĕllu||)
pŏdilina yiṁdriyaṁbulu vĕṁṭa rām̐gā
madivigāramu ne marugam̐gāne
vadalagu veṁkaḍeśhvara nannu nide nī -
padabaṁkajamulu serbam̐ga nidi vasamā