చెల్లెఁగా నీవు సేసిన చేఁతలు నీవు
(॥పల్లవి॥)
చెల్లెఁగా నీవు సేసిన చేఁతలు నీవు
వొల్లకే విభునింత వొడలు వేఁచితివి
(॥చెల్లెఁ॥)
పొడపుఁ జందురుఁడు నొప్పులు సేయువిరహులను
పెడమొకముచేసి నొప్పించేవు
కడుఁ బలికి కీరములు కారించు విరహులను
పడతి పగఁబెట్టితివి పలుకకే విభుని
(॥చెల్లెఁ॥)
తొలుమెఱుపు మెఱిచి పాంథుల నొంచు నీ వెదుట
పొలయకే నొంచితివి పొలిఁతి యతని
బలుపువెన్నెల భంగపఱచు విరహుల నింత
నలఁగించితివి నీవు నవ్వకే విభుని
(॥చెల్లెఁ॥)
పన్నీరు విరహులను బరవశముసేయు నీ
మన్ననఁ గౌఁగిటఁ జేర్చి మరపించితి
కన్నియరో నీవు వేంకటవిభుని కౌఁగిటను
ఇన్నిటను గడుమించి తేమి చెప్పెడిదే
(||pallavi||)
sĕllĕm̐gā nīvu sesina sem̐talu nīvu
vŏllage vibhuniṁta vŏḍalu vem̐sidivi
(||sĕllĕm̐||)
pŏḍabum̐ jaṁdurum̐ḍu nŏppulu seyuvirahulanu
pĕḍamŏgamusesi nŏppiṁchevu
kaḍum̐ baligi kīramulu kāriṁchu virahulanu
paḍadi pagam̐bĕṭṭidivi palugage vibhuni
(||sĕllĕm̐||)
tŏlumĕṟubu mĕṟisi pāṁthula nŏṁchu nī vĕduḍa
pŏlayage nŏṁchidivi pŏlim̐ti yadani
balubuvĕnnĕla bhaṁgabaṟasu virahula niṁta
nalam̐giṁchidivi nīvu navvage vibhuni
(||sĕllĕm̐||)
pannīru virahulanu baravaśhamuseyu nī
mannanam̐ gaum̐giḍam̐ jersi marabiṁchidi
kanniyaro nīvu veṁkaḍavibhuni kaum̐giḍanu
inniḍanu gaḍumiṁchi temi sĕppĕḍide