చెల్లెఁ జెల్లె నీవు సేసె చేఁత లెల్లాను నీ
(॥పల్లవి॥)
చెల్లెఁ జెల్లె నీవు సేసె చేఁత లెల్లాను నీ
పల్లదా లిన్నియు బండిబాటాయఁ దగవు
(॥చెల్లె॥)
కద్దు గద్దు నీ మాట కల్ల లేదు పొల్ల లేదు
వద్దు వద్దు నీతోడి వాదులు నాకు
ముద్దు ముద్దు సేసి నిన్ను మోవఁ బెంచె మీ తల్లి
పొద్దు వొద్దుఁ గోమటిండ్లపొరుగాయ బదుకు
(॥చెల్లె॥)
ఆయ నాయ నీ మాట లల్లములు బెల్లములు
మూయ మూయ నీకె మూరెఁడు నోరు
తోయఁ దోయఁ దల్లి వెన్నతోడఁ బెట్టె ముచ్చిములు
పోయఁ బోయ గొల్లదోమటాయఁ బో మా పెరుగు
(॥చెల్లె॥)
వింటి వింటి నిన్ననె నీవేసాల బాసలును
కంటిఁ గంటి నిఁక నేల కైకొంటివి
యింట నింట శ్రీ వెంకటేశ పంతమిచ్చి నన్ను
నంటి యంటి నిచ్చకొత్తలాయఁ బో నా మనువు
(||pallavi||)
sĕllĕm̐ jĕllĕ nīvu sesĕ sem̐ta lĕllānu nī
palladā linniyu baṁḍibāḍāyam̐ dagavu
(||sĕllĕ||)
kaddu gaddu nī māḍa kalla ledu pŏlla ledu
vaddu vaddu nīdoḍi vādulu nāgu
muddu muddu sesi ninnu movam̐ bĕṁchĕ mī talli
pŏddu vŏddum̐ gomaḍiṁḍlabŏrugāya badugu
(||sĕllĕ||)
āya nāya nī māḍa lallamulu bĕllamulu
mūya mūya nīgĕ mūrĕm̐ḍu noru
toyam̐ doyam̐ dalli vĕnnadoḍam̐ bĕṭṭĕ muchchimulu
poyam̐ boya gŏlladomaḍāyam̐ bo mā pĕrugu
(||sĕllĕ||)
viṁṭi viṁṭi ninnanĕ nīvesāla bāsalunu
kaṁṭim̐ gaṁṭi nim̐ka nela kaigŏṁṭivi
yiṁṭa niṁṭa śhrī vĕṁkaḍeśha paṁtamichchi nannu
naṁṭi yaṁṭi nichchagŏttalāyam̐ bo nā manuvu