చెల్లఁబో యీజీవు లిలఁ జేసిన పాప మెంతో
(॥పల్లవి॥)
చెల్లఁబో యీజీవు లిలఁ జేసిన పాప మెంతో
వుల్లమున నున్న హరి వూరికే దవ్వాయ
(॥చెల్లఁ॥)
కన్నచోటనే హరి కలఁడన్నవారికి
విన్నచోటనే విష్ణుడు వివేకులకు
వున్నతిఁ గొలువలేక వొద్దనుండఁగాఁ గొందరు
మిన్నుమీఁద వెదకేరు మితిమీఱఁ జదివి
(॥చెల్లఁ॥)
పట్టినదే బ్రహ్మము పరమార్థవేత్తలకు
తిట్టులోనా దైవము దివ్యులకును
ముట్టి చేత మొక్కలేరు ముందటనే వుండఁగాను
బట్టబయలు పాకేరు బహుకర్మవిదుల
(॥చెల్లఁ॥)
ఊపిరిలో దేవుఁడున్నాఁడు యోగీంద్రులకు
దాపున నున్నాఁడు హరిదాసులకును
యేపున శ్రీవేంకటేశు నేచి శరణనలేక
చాపలాన వెదకేరు సకలదేవతల
(||pallavi||)
sĕllam̐bo yījīvu lilam̐ jesina pāba mĕṁto
vullamuna nunna hari vūrige davvāya
(||sĕllam̐||)
kannasoḍane hari kalam̐ḍannavārigi
vinnasoḍane viṣhṇuḍu vivegulagu
vunnadim̐ gŏluvalega vŏddanuṁḍam̐gām̐ gŏṁdaru
minnumīm̐da vĕdageru midimīṟam̐ jadivi
(||sĕllam̐||)
paṭṭinade brahmamu paramārdhavettalagu
tiṭṭulonā daivamu divyulagunu
muṭṭi seda mŏkkaleru muṁdaḍane vuṁḍam̐gānu
baṭṭabayalu pāgeru bahugarmavidula
(||sĕllam̐||)
ūbirilo devum̐ḍunnām̐ḍu yogīṁdrulagu
dābuna nunnām̐ḍu haridāsulagunu
yebuna śhrīveṁkaḍeśhu nesi śharaṇanalega
sābalāna vĕdageru sagaladevadala