(॥పల్లవి॥)
చెల్లఁబో నీవెటువంటి చెలివైతివే
కొల్లలుగా నతనినే కూడితివిగా
(॥చెల్ల॥)
మనసిచ్చి ఆతనితో మాఁటాడవైతివిగా
చనవు సేసుకొని కొసరవైతిగా
పెనఁగి చేతులువట్టి పిలువవైతివిగా
వినయాన భారము పై వేయవైతిగా
(॥చెల్ల॥)
తప్పరాని బాసలెల్ల తలఁపించవైతివిగా
అప్పసము నేమొక్కితిననవైతిగా
అప్పుడె ముద్దుటుంగరమటు చూపవైతివిగా
నెప్పుననానలు వెట్టి నెట్టుకొనవైతిగా
(॥చెల్ల॥)
నగవులనే వలపు నానఁబెట్టువైతివిగా
చిగిరించ నిచ్చకాలు సేయవైతిగా
తగు శ్రీ వెంకటేశుఁడు తానెవచ్చి నన్నుఁగూడె
నిగిడి నీయంత నీవు నేర్పవైతిగా
(||pallavi||)
sĕllam̐bo nīvĕḍuvaṁṭi sĕlivaidive
kŏllalugā nadanine kūḍidivigā
(||sĕlla||)
manasichchi ādanido mām̐ṭāḍavaidivigā
sanavu sesugŏni kŏsaravaidigā
pĕnam̐gi seduluvaṭṭi piluvavaidivigā
vinayāna bhāramu pai veyavaidigā
(||sĕlla||)
tapparāni bāsalĕlla talam̐piṁchavaidivigā
appasamu nemŏkkidinanavaidigā
appuḍĕ mudduḍuṁgaramaḍu sūbavaidivigā
nĕppunanānalu vĕṭṭi nĕṭṭugŏnavaidigā
(||sĕlla||)
nagavulane valabu nānam̐bĕṭṭuvaidivigā
sigiriṁcha nichchagālu seyavaidigā
tagu śhrī vĕṁkaḍeśhum̐ḍu tānĕvachchi nannum̐gūḍĕ
nigiḍi nīyaṁta nīvu nerbavaidigā