(॥పల్లవి॥)
చెల్ల నెక్కికొంటివిగా జీవుఁడ యీబలుకోటా
బల్లిదుఁడ నీకు నేఁడు పట్టమాయఁ గోటా
(॥చెల్ల॥)
తొమ్మిది గవనులైన దొడ్డతోలుఁ గోటా
కొమ్ముల చవుల మూల కొత్తళాల కోటా
వమ్ములేని మెడవంపు వంకదార కోటా
పమ్మి పగవారినెల్లా పట్టుకొన్న కోటా
(॥చెల్ల॥)
తలవాకిలి దంతపుతలుపుల కోటా
తలిరుఁ జేతుల పెద్దదంతెనాల కోటా
వెలియాసలనే దండువిడిసిన కోటా
గులుగై యింద్రియములు కొల్ల గొన్న కోటా
(॥చెల్ల॥)
నడచప్పరములనే నలువైన కోటా
జడిసిన చెవుల మించు సవరణ కోటా
పడనిపాట్లఁ బడి ఫలియించెఁ గోటా
యెడమిచ్చి శ్రీవేంకటేశుఁ డేలేఁ గోటా
(||pallavi||)
sĕlla nĕkkigŏṁṭivigā jīvum̐ḍa yībalugoḍā
ballidum̐ḍa nīgu nem̐ḍu paṭṭamāyam̐ goḍā
(||sĕlla||)
tŏmmidi gavanulaina dŏḍḍadolum̐ goḍā
kŏmmula savula mūla kŏttaḽāla koḍā
vammuleni mĕḍavaṁpu vaṁkadāra koḍā
pammi pagavārinĕllā paṭṭugŏnna koḍā
(||sĕlla||)
talavāgili daṁtabudalubula koḍā
talirum̐ jedula pĕddadaṁtĕnāla koḍā
vĕliyāsalane daṁḍuviḍisina koḍā
gulugai yiṁdriyamulu kŏlla gŏnna koḍā
(||sĕlla||)
naḍasapparamulane naluvaina koḍā
jaḍisina sĕvula miṁchu savaraṇa koḍā
paḍanibāṭlam̐ baḍi phaliyiṁchĕm̐ goḍā
yĕḍamichchi śhrīveṁkaḍeśhum̐ ḍelem̐ goḍā