చెలియకు విరహపు వేదన సేయని సింగారంబిది
(॥పల్లవి॥)
చెలియకు విరహపు వేదన సేయని సింగారంబిది
సొలవక వలపుల ముద్రల చొప్పులు మాపకుఁడీ
(॥చెలియ॥)
కిక్కిరిసిన చనుగుబ్బలు గీఁటిన బగిలెడి నయ్యో
పక్కనఁ గనుకలి దాఁకీ బయ్యెద దెరవకుఁడీ
వెక్కసమగు ముఖకాంతికి వెడవెడ మరుఁగై తోఁచెడి
చెక్కుల చెమటలు గందెడి చేతులు వెట్టకుఁడీ
(॥చెలియ॥)
అంగన మేనికిఁ బులకలు అడ్డము దోఁచెడి నయ్యో
బంగరు మొలకలవంటివి పైపైఁ దుడువకుఁడీ
తొంగలి రెప్పల కెలఁకుల తొరిగెడి కన్నుల మెరుఁగుల
ముంగిటవేసిన చూపుల మురిపెము మానుపుఁడీ
(॥చెలియ॥)
తిరువేంకటపతినింతికి దెచ్చెదమనఁగా నయ్యో
కరుణించినవాఁడాతఁడె కళవళమందకుఁడీ
తరుణీమణి మా దేవునిఁ దగఁ గౌఁగిట సౌఖ్యంబులు
పరవశమందినదేమో పలుమరుఁ బిలువకుఁడీ
(||pallavi||)
sĕliyagu virahabu vedana seyani siṁgāraṁbidi
sŏlavaga valabula mudrala sŏppulu mābagum̐ḍī
(||sĕliya||)
kikkirisina sanugubbalu gīm̐ṭina bagilĕḍi nayyo
pakkanam̐ ganugali dām̐kī bayyĕda dĕravagum̐ḍī
vĕkkasamagu mukhagāṁtigi vĕḍavĕḍa marum̐gai tom̐sĕḍi
sĕkkula sĕmaḍalu gaṁdĕḍi sedulu vĕṭṭagum̐ḍī
(||sĕliya||)
aṁgana menigim̐ bulagalu aḍḍamu dom̐sĕḍi nayyo
baṁgaru mŏlagalavaṁṭivi paibaim̐ duḍuvagum̐ḍī
tŏṁgali rĕppala kĕlam̐kula tŏrigĕḍi kannula mĕrum̐gula
muṁgiḍavesina sūbula muribĕmu mānubum̐ḍī
(||sĕliya||)
tiruveṁkaḍabadiniṁtigi dĕchchĕdamanam̐gā nayyo
karuṇiṁchinavām̐ḍādam̐ḍĕ kaḽavaḽamaṁdagum̐ḍī
taruṇīmaṇi mā devunim̐ dagam̐ gaum̐giḍa saukhyaṁbulu
paravaśhamaṁdinademo palumarum̐ biluvagum̐ḍī