చెలియ మంచిగుణాలు చిత్తమునఁ బట్టెనా
(॥పల్లవి॥)
చెలియ మంచిగుణాలు చిత్తమునఁ బట్టెనా
వెలయ నిన్నియు విన్నవించితి నే నీకు
(॥చెలి॥)
మొగము చూచి నీతో ముచ్చటలే యాడుఁగాని
యెగసక్కే లాడనేర దెంతైనా సతి
నగుతాను వద్దనుండి ననుపే నడపుఁగాని
వెగటులు చూపి మోపి వేసరించఁ జాలదు
(॥చెలి॥)
మంతనాన సేవసేసి మచ్చిక నెరపుఁగాని
పంతములు నీ ముందర బచారించదు
సంతోసాన మోవి చూపి చవులు గొలుపుఁగాని
వింత సేసుకొని నిన్ను వెంగన సాదించదు
(॥చెలి॥)
కందువకు నిన్నుఁ దీసె కాఁగిలించుకొనుఁగాని
మందెమేళమున నీకు మట్టుమీరదు
ఇందుకే శ్రీవేంకటేశ యీకె నిట్టె యేలితివి
సందడి నీ రతులకు జవదాటదు
(||pallavi||)
sĕliya maṁchiguṇālu sittamunam̐ baṭṭĕnā
vĕlaya ninniyu vinnaviṁchidi ne nīgu
(||sĕli||)
mŏgamu sūsi nīdo muchchaḍale yāḍum̐gāni
yĕgasakke lāḍanera dĕṁtainā sadi
nagudānu vaddanuṁḍi nanube naḍabum̐gāni
vĕgaḍulu sūbi mobi vesariṁcham̐ jāladu
(||sĕli||)
maṁtanāna sevasesi machchiga nĕrabum̐gāni
paṁtamulu nī muṁdara basāriṁchadu
saṁtosāna movi sūbi savulu gŏlubum̐gāni
viṁta sesugŏni ninnu vĕṁgana sādiṁchadu
(||sĕli||)
kaṁduvagu ninnum̐ dīsĕ kām̐giliṁchugŏnum̐gāni
maṁdĕmeḽamuna nīgu maṭṭumīradu
iṁduge śhrīveṁkaḍeśha yīgĕ niṭṭĕ yelidivi
saṁdaḍi nī radulagu javadāḍadu