చెలికిఁ జక్కఁదనము నేసిన యజుఁడు భూమిఁ
(॥పల్లవి॥)
చెలికిఁ జక్కఁదనము నేసిన యజుఁడు భూమిఁ
గలవారికెల్లఁ బ్రేమ గలిగించెఁ గదవే
(॥చెలికి॥)
గుబ్బలపై కొనగోరి గురుతు లంటినచోటు-
లబ్బురమై మృగమందమంటినది చూడవే
గబ్బికన్నుల కలికి కప్పిన పయ్యదలోన
నిబ్బరపుఁ దనువల్లి నిగ్గులు వెళ్ళఁబారెనే
(॥చెలికి॥)
కొప్పునఁ దట్టుపుణుఁగు కొలఁదిమీరఁగ నంటిన-
జిప్పిలి చెక్కులవెంటఁ జిందినది చూడవే
ఒప్పయిన నీ నడపున నొడికపుమట్టియల-
చప్పుడు విన్నఁ జిత్తము జల్లురనెఁ గదవే
(॥చెలికి॥)
చక్కఁదనములచేత సరిలేనివాఁడు గన
దిక్కుల వెలసినట్టి తిరువేంకటేశుఁడు
మక్కువలరఁగ నింతి మరగించి ప్రియమెల్లఁ
జక్కఁదనముగఁ జేసెఁ జాలదా యింతయును
(||pallavi||)
sĕligim̐ jakkam̐danamu nesina yajum̐ḍu bhūmim̐
galavārigĕllam̐ brema galigiṁchĕm̐ gadave
(||sĕligi||)
gubbalabai kŏnagori gurudu laṁṭinasoḍu-
labburamai mṛgamaṁdamaṁṭinadi sūḍave
gabbigannula kaligi kappina payyadalona
nibbarabum̐ danuvalli niggulu vĕḽḽam̐bārĕne
(||sĕligi||)
kŏppunam̐ daṭṭubuṇum̐gu kŏlam̐dimīram̐ga naṁṭina-
jippili sĕkkulavĕṁṭam̐ jiṁdinadi sūḍave
ŏppayina nī naḍabuna nŏḍigabumaṭṭiyala-
sappuḍu vinnam̐ jittamu jalluranĕm̐ gadave
(||sĕligi||)
sakkam̐danamulaseda sarilenivām̐ḍu gana
dikkula vĕlasinaṭṭi tiruveṁkaḍeśhum̐ḍu
makkuvalaram̐ga niṁti maragiṁchi priyamĕllam̐
jakkam̐danamugam̐ jesĕm̐ jāladā yiṁtayunu