చెలి నేఁడు తానేమి సేయునమ్మ
(॥పల్లవి॥)
చెలి నేఁడు తానేమి సేయునమ్మ
చెలి యేమి సేయు నీచెలు లేమి సేయుదురు
చెలువైన విభుమేని చెలువింత సేయఁగా
(॥చెలి॥)
సతి నేఁడు బంగారుచవికెలోఁ జిత్రంపు-
గతు లెంత చూపినఁ గడకంటఁ జూడదు
అతనిఁజూచినమంచియబ్బురపుఁజూపులు
అతనివెంటనే పోయ నటుగాఁబోలును
(॥చెలి॥)
తేనియలూరేటి మంచి తియ్యనిమాటలు మంత్ర-
గానములుగా వినుపించి కడువేసరితిమి
వానిమాటలు విన్నవలనైన ముదమున
వీనులు ముద్రించిన విధముగాఁబోలును
(॥చెలి॥)
నిచ్చళపుమోమున నెయ్యము దైలువారె
బచ్చనచేఁతలు గుబ్బలపై నిండనొప్పెను
అచ్చపువేడుక వేంకటాద్రీశుఁ డీరేయి
నెచ్చెలికి నిచ్చినట్టినేరుపు గాఁబోలును
(||pallavi||)
sĕli nem̐ḍu tānemi seyunamma
sĕli yemi seyu nīsĕlu lemi seyuduru
sĕluvaina vibhumeni sĕluviṁta seyam̐gā
(||sĕli||)
sadi nem̐ḍu baṁgārusavigĕlom̐ jitraṁpu-
gadu lĕṁta sūbinam̐ gaḍagaṁṭam̐ jūḍadu
adanim̐jūsinamaṁchiyabburabum̐jūbulu
adanivĕṁṭane poya naḍugām̐bolunu
(||sĕli||)
teniyalūreḍi maṁchi tiyyanimāḍalu maṁtra-
gānamulugā vinubiṁchi kaḍuvesaridimi
vānimāḍalu vinnavalanaina mudamuna
vīnulu mudriṁchina vidhamugām̐bolunu
(||sĕli||)
nichchaḽabumomuna nĕyyamu dailuvārĕ
bachchanasem̐talu gubbalabai niṁḍanŏppĕnu
achchabuveḍuga veṁkaḍādrīśhum̐ ḍīreyi
nĕchchĕligi nichchinaṭṭinerubu gām̐bolunu