చెలఁగి యధర్మము వుట్టింప నీకేల సృష్టింపఁగ మరి నీకేల
(॥పల్లవి॥)
చెలఁగి యధర్మము వుట్టింప నీకేల సృష్టింపఁగ మరి నీకేల
పులులను లేళ్ల నొక్కకదుపుగా పులుమేపుదురటే మాధవుఁడా
(॥చెలఁ॥)
గొనకొని పాషండుల దుర్భాషల క్రోధము సహింపరాదు
దనుజుల పుట్టువు వారలనుచు నిజతత్త్వజ్ఞానము నీ వియ్యపు
అనిశముఁ జూచిన వారికి మాకును అంతర్యామివి నీవు
పెనఁచి చీఁకటియు వెలుఁగును నొకచోఁ బెంచెదవేలే ముకుందుఁడా
(॥చెలఁ॥)
ఖలుల తామసపు దేవతార్చనలు కనుఁగొని యవి యోర్వఁగరాదు
నెలకొని వారలు నరకవాసులని నీ మీఁది భక్తియు నీ వియ్యవు
పొలుపుగ నిందరిలోపలఁ గ్రమ్మరఁ బూజ గొనేటివాఁడవు నీవే
చలమునఁ బుణ్యము పాపము నొకచో సరిచేతురటవే గోవిందుఁడా
(॥చెలఁ॥)
సతతము నీ దాస్యద్రోహులతో సహయోగంబును సహింపదు
క్షితిలో నీ వటువంటివారలను సృజింప కేర్పడ మానవు
హితవుగ శ్రీవేంకటేశ్వర నీవే యిహపరములకుఁ గర్తవు
గతి నీ శరణాగతియని నమ్మినఁ గలవిందరికిని నారాయణా
(||pallavi||)
sĕlam̐gi yadharmamu vuṭṭiṁpa nīgela sṛṣhṭiṁpam̐ga mari nīgela
pululanu leḽla nŏkkagadubugā pulumebuduraḍe mādhavum̐ḍā
(||sĕlam̐||)
gŏnagŏni pāṣhaṁḍula durbhāṣhala krodhamu sahiṁparādu
danujula puṭṭuvu vāralanusu nijadattvajñānamu nī viyyabu
aniśhamum̐ jūsina vārigi māgunu aṁtaryāmivi nīvu
pĕnam̐si sīm̐kaḍiyu vĕlum̐gunu nŏgasom̐ bĕṁchĕdavele muguṁdum̐ḍā
(||sĕlam̐||)
khalula tāmasabu devadārsanalu kanum̐gŏni yavi yorvam̐garādu
nĕlagŏni vāralu naragavāsulani nī mīm̐di bhaktiyu nī viyyavu
pŏlubuga niṁdarilobalam̐ grammaram̐ būja gŏneḍivām̐ḍavu nīve
salamunam̐ buṇyamu pābamu nŏgaso sariseduraḍave goviṁdum̐ḍā
(||sĕlam̐||)
sadatamu nī dāsyadrohulado sahayogaṁbunu sahiṁpadu
kṣhidilo nī vaḍuvaṁṭivāralanu sṛjiṁpa kerbaḍa mānavu
hidavuga śhrīveṁkaḍeśhvara nīve yihabaramulagum̐ gardavu
gadi nī śharaṇāgadiyani namminam̐ galaviṁdarigini nārāyaṇā