(॥పల్లవి॥)
చెలఁగి నా కిందుకే చింతయ్యీని
తెలిసినదాఁకా నిది ద్రిష్టమయ్యీనా
(॥చెలఁ॥)
హరి పుట్టించిన దేహి హరినే కొలువక
నరులఁ గొలుచుట అన్యాయమయ్యా
గరిమ నేరు గుడిచి కాలువఁ బొగడఁబోతే
యెరవెరవే కాక యితవయ్యీనా
(॥చెలఁ॥)
దేవుఁ డిచ్చినట్టి బుద్ధి దేవుని పయిఁ బెట్టక
భావ మింద్రియాల కియ్యఁ బాపమయ్యా
జీవిత మొకరి సొమ్ము జీవించి యొకరి వెంట
ఆవలఁ బరువులిడు టందమయ్యీనా
(॥చెలఁ॥)
అరిది శ్రీవేంకటేశుఁ డంతరాత్మయి వుండఁగాను
శరణనకుండు టనాచారమయ్యా
ధరఁ దన యింటఁ గోటిధన మట్టే వుండఁగాను
మరలి తిరియఁబోతే మట్టుపడీనా
(||pallavi||)
sĕlam̐gi nā kiṁduge siṁtayyīni
tĕlisinadām̐kā nidi driṣhṭamayyīnā
(||sĕlam̐||)
hari puṭṭiṁchina dehi harine kŏluvaga
narulam̐ gŏlusuḍa anyāyamayyā
garima neru guḍisi kāluvam̐ bŏgaḍam̐bode
yĕravĕrave kāga yidavayyīnā
(||sĕlam̐||)
devum̐ ḍichchinaṭṭi buddhi devuni payim̐ bĕṭṭaga
bhāva miṁdriyāla kiyyam̐ bābamayyā
jīvida mŏgari sŏmmu jīviṁchi yŏgari vĕṁṭa
āvalam̐ baruvuliḍu ṭaṁdamayyīnā
(||sĕlam̐||)
aridi śhrīveṁkaḍeśhum̐ ḍaṁtarātmayi vuṁḍam̐gānu
śharaṇanaguṁḍu ṭanāsāramayyā
dharam̐ dana yiṁṭam̐ goḍidhana maṭṭe vuṁḍam̐gānu
marali tiriyam̐bode maṭṭubaḍīnā