(॥పల్లవి॥)
చెలఁగి కూరాకుగాఁ జేసేవు నీ-
తలమీఁదనుండే తరుణిఁ బో నేను
(॥చెలఁగి॥)
పిసుకకు పలుమారు పసురువేసీ నంత
వసివాడుకోర్చిన వనితఁ గాను
పస రేఁచి నీవింత పాలించు తొల్లిటిఁ
సిసువయిన నీ పెట్టుఁ జెట్టఁబో నేను
(॥చెలఁగి॥)
చిదుమకు పరుమారు చెక్కునొచ్చీ నీవు
వదనము నొక్కేటి వనితఁ గాను
ఎదురెదురనే భూమినెందరు లేరు నీఁ
నిదురవుచ్చినవారు నేనెవ్వతిని
(॥చెలఁగి॥)
కందించకు నన్నుఁ గౌఁగిట కాఁకల
అందునిందును గడు నలముచును
ఇందిరాపతి వేంకటేశ నీరతుల
పొందు నాకిదె మఱపుకెల్ల నెలవు
(||pallavi||)
sĕlam̐gi kūrāgugām̐ jesevu nī-
talamīm̐danuṁḍe taruṇim̐ bo nenu
(||sĕlam̐gi||)
pisugagu palumāru pasuruvesī naṁta
vasivāḍugorsina vanidam̐ gānu
pasa rem̐si nīviṁta pāliṁchu tŏlliḍim̐
sisuvayina nī pĕṭṭum̐ jĕṭṭam̐bo nenu
(||sĕlam̐gi||)
sidumagu parumāru sĕkkunŏchchī nīvu
vadanamu nŏkkeḍi vanidam̐ gānu
ĕdurĕdurane bhūminĕṁdaru leru nīm̐
niduravuchchinavāru nenĕvvadini
(||sĕlam̐gi||)
kaṁdiṁchagu nannum̐ gaum̐giḍa kām̐kala
aṁduniṁdunu gaḍu nalamusunu
iṁdirābadi veṁkaḍeśha nīradula
pŏṁdu nāgidĕ maṟabugĕlla nĕlavu