Ham hain nashe men

ham haiṅ naśhe meṅ tum ho naśhe meṅ
āṇkheṅ milīṅ haiṅ usī kā naśhā hai
ham haiṅ naśhe meṅ …

kal rāt dekhā thā albelā sapnā
man chāhe bālam ko pāyā thā apnā
phir maiṅ na soyī
sapnoṅ meṅ khoyī
āheṅ bharīṅ haiṅ usī kā naśhā hai
ham haiṅ naśhe meṅ …

naśhā pyār kā hai umar bhar rahegā
ulfat ke maujoṅ meṅ ye dil bahegā
maiṅ ban ke nadiyā
lahrā rahī hūṇ
lahreṅ uṭhīṅ haiṅ usī kā naśhā hai
ham haiṅ naśhe meṅ …