చేకొనుమీ నల్లఁబల్లి చెన్నకేశవా
(॥పల్లవి॥)
చేకొనుమీ నల్లఁబల్లి చెన్నకేశవా
యీకడ నీ కిన్నిటికి నిదివో మొక్కేను
(॥చేకొ॥)
పొంచి నీవు విలిచితే బొమ్మల జంకించితిని
మంచముపై నుండితిని మన్ననలను
కంచముపొత్తుకుఁ దియ్యఁగా నీతోఁ బెనఁగితి
యెంచకుమీ యీనేరాలిదివో మొక్కేను
(॥చేకొ॥)
సరసము నీవాడితే సారెసారెఁ దిట్టితిని
సిరులఁ జెనకితేనే చెలఁగితిని
శిరసు వంచుకొంటిని చెరఁగు నీవు వట్టితే
యెరవుసేయకు నన్నునిదివో మొక్కేను
(॥చేకొ॥)
సెలవి నీవు నవ్వితే సిగ్గులు పైఁజల్లితిని
సొలసి చెక్కు నొక్కితే చొక్కితి నేను
కలసితివిదె శ్రీవెంకటగిరినుండి వచ్చి
యెలమిఁ దమకించకు యిదివో మొక్కేను
(||pallavi||)
segŏnumī nallam̐balli sĕnnageśhavā
yīgaḍa nī kinniḍigi nidivo mŏkkenu
(||segŏ||)
pŏṁchi nīvu viliside bŏmmala jaṁkiṁchidini
maṁchamubai nuṁḍidini mannanalanu
kaṁchamubŏttugum̐ diyyam̐gā nīdom̐ bĕnam̐gidi
yĕṁchagumī yīnerālidivo mŏkkenu
(||segŏ||)
sarasamu nīvāḍide sārĕsārĕm̐ diṭṭidini
sirulam̐ jĕnagidene sĕlam̐gidini
śhirasu vaṁchugŏṁṭini sĕram̐gu nīvu vaṭṭide
yĕravuseyagu nannunidivo mŏkkenu
(||segŏ||)
sĕlavi nīvu navvide siggulu paim̐jallidini
sŏlasi sĕkku nŏkkide sŏkkidi nenu
kalasidividĕ śhrīvĕṁkaḍagirinuṁḍi vachchi
yĕlamim̐ damagiṁchagu yidivo mŏkkenu