Prajagalundo prajagalundo

പ്രജകളുണ്ടോ പ്രജകളുണ്ടോ
രാജാവായു് ഞാനിരിക്കാം പ്രജകളുണ്ടോ

പ്രജകളുണ്ടു പ്രജകളുണ്ടു്
നമ്മളില്‍ ആരാണു് രാജാവു്

നീയല്ല ഞാനാണു് രാജാവു്

അല്ല നീയല്ല ഞാനാണു് രാജാവു്

കലഹം വേണ്ട കലഹം വേണ്ട
ഇരുപേരും രാജാവായിരുന്നുകൊള്ളിന്‍
പ്രജയില്ലാ നാട്ടില്‍ പേരില്ലാ കാട്ടില്‍
ഇരുപേരും രാജാവായിരുന്നുകൊള്ളിന്‍

പ്രജകളെ കണ്ടോ - മാനു മയിലു്

ഭയമാകുന്നുണ്ടോ - ആന കടുവാ

കടലു കുലുക്കും മീനു മുതല

കാടു കുലുക്കും സിംഹം കരടി

വരുവിന്‍ പ്രജകളേ സുഖമല്ലേ
മഴയില്ലേ വെയിലില്ലേ കാട്ടില്‍

വേട്ടയ്ക്കു പോകാം വേട്ടയ്ക്കു പോകാം
വരുവീന്‍ നമുക്കൊരുമിച്ചു വേട്ടയ്ക്കു പോകാം

കാടു ചുറ്റി നടക്കേണം
കരടിയെ പിടിക്കേണം
കടുവയെ മയക്കണം
ഹും ഹും

കാട്ടാന കിടക്കണ കാട്ടാറില്‍ ചെന്നിറങ്ങി
നീന്തി നീന്തി കളിക്കേണം
ആ ഹാ

ആശ്രമം കാനനം തല്ലിത്തകര്‍ക്കുന്നൊര -
ക്രമീവര്‍ഗ്ഗം വരുന്ന കണ്ടോ

ആരും വരട്ടെ ഗുരുവരന്‍ തന്നൊരീ
അമ്പു നമുക്കൊണ്ടു പേടിയെന്തേ

ദുഷ്ടതകാട്ടുവോരാരായിരുന്നാലും
വിട്ടയയ്ക്കില്ലീ കുശലവന്മാര്‍

ഓ കാട്ടു രാജാവേ കാട്ടു രാജാവേ
കാത്തിരിക്കുന്നമ്മയിങ്ങോട്ടോടിവന്നാളെ