సీతక పడుసు దోసిటి పాల మగఁడు
(॥పల్లవి॥)
సీతక పడుసు దోసిటి పాల మగఁడు
బాతి పడిన నగపడునటె వీఁడు*
(॥సీత॥)
మూడు గాళ్ళపెద్ద ముసలి సవులుగొన్న పాఁడిమేకల పాల పాశము
వేఁడి జుఱ్ఱినతల్లి వేఁకటియై కన్న- వాఁడు వీఁడు శిన్న వాఁడటె వీఁడు
(॥సీత॥)
కొండలంత సను గుబ్బలరాకాశి - మిండెత గవిశి పై మింగ రాఁగా
గుండె వగులనొక్క కోలనె సరగన -సెండివేసినట్టి సిసు వటె వీఁడు
(॥సీత॥)
వుడుకు నుదుటివాఁడు వుదుటున దాఁసిన- బెడిదపు మోతల పెనువిల్లు
తొడికి విరిశివేశి దోమటి నునుఁబాల- కడుపుల తొలి పెండ్లికొడుకటె వీఁడు
(॥సీత॥)
మారుదల్లి సేతిమాటలఁ బడలేక -వూరు విడిశి యడవులకేఁగి
సేరవచ్చిన యింతి సెవులు ముక్కుఁగోశి - పేరువారిన పెద్దబిరుదటె వీఁడు
(॥సీత॥)
పొగదాగు తపసుల పుల్లవెలుగు మంట - లగడు శేయఁగ ముగురసురల
సగము సాయ సంపి సడిఁబెట్టి విడిశిన-బగిడికాఁడు సిన్నపడుసటె వీఁడు
(॥సీత॥)
మిసమిస మెరసేటి మెగముమేనిపై - పసలఁ దగిలి వెంటఁ బారి పారి
గసిక వింటికోల గరిగాఁడనేసిన -మసిమాయల సలమరి గదె వీఁడు
(॥సీత॥)
రవ్వల సేఁతల రాకాశినాయని - కొవ్విన మదము తె క్కోలుగొని
యివ్వలఁ దిరువేంకటేశుఁడై యున్నాఁడు -గువ్వెక నిను జట్టిగొనెఁగదె వీఁడు
(||pallavi||)
sīdaga paḍusu dosiḍi pāla magam̐ḍu
bādi paḍina nagabaḍunaḍĕ vīm̐ḍu*
(||sīda||)
mūḍu gāḽḽabĕdda musali savulugŏnna pām̐ḍimegala pāla pāśhamu
vem̐ḍi juṭrinadalli vem̐kaḍiyai kanna- vām̐ḍu vīm̐ḍu śhinna vām̐ḍaḍĕ vīm̐ḍu
(||sīda||)
kŏṁḍalaṁta sanu gubbalarāgāśhi - miṁḍĕda gaviśhi pai miṁga rām̐gā
guṁḍĕ vagulanŏkka kolanĕ saragana -sĕṁḍivesinaṭṭi sisu vaḍĕ vīm̐ḍu
(||sīda||)
vuḍugu nuduḍivām̐ḍu vuduḍuna dām̐sina- bĕḍidabu modala pĕnuvillu
tŏḍigi viriśhiveśhi domaḍi nunum̐bāla- kaḍubula tŏli pĕṁḍligŏḍugaḍĕ vīm̐ḍu
(||sīda||)
mārudalli sedimāḍalam̐ baḍalega -vūru viḍiśhi yaḍavulagem̐gi
seravachchina yiṁti sĕvulu mukkum̐gośhi - peruvārina pĕddabirudaḍĕ vīm̐ḍu
(||sīda||)
pŏgadāgu tabasula pullavĕlugu maṁṭa - lagaḍu śheyam̐ga mugurasurala
sagamu sāya saṁpi saḍim̐bĕṭṭi viḍiśhina-bagiḍigām̐ḍu sinnabaḍusaḍĕ vīm̐ḍu
(||sīda||)
misamisa mĕraseḍi mĕgamumenibai - pasalam̐ dagili vĕṁṭam̐ bāri pāri
gasiga viṁṭigola garigām̐ḍanesina -masimāyala salamari gadĕ vīm̐ḍu
(||sīda||)
ravvala sem̐tala rāgāśhināyani - kŏvvina madamu tĕ kkolugŏni
yivvalam̐ diruveṁkaḍeśhum̐ḍai yunnām̐ḍu -guvvĕga ninu jaṭṭigŏnĕm̐gadĕ vīm̐ḍu