చీ చీ వివేకమా చిత్తపు వికారమా
(॥పల్లవి॥)
చీ చీ వివేకమా చిత్తపు వికారమా
యేచి హరిఁ గొలువక హీనుఁడాయ జీవుఁడు
(॥చీచీ॥)
బతికేనంటాఁ బోయి పయిఁడి వుచ్చుక తన-
పతి యవసరములఁ బ్రాణమిచ్చీని
బతు కందులోన నేది పసిఁడి యెక్కడ నుండు
గతి హరిఁ గొలువక కట్టువడె జీవుఁడు
(॥చీచీ॥)
దొడ్డవాఁడనయ్యేనని దొరలఁ గొలిచి వారి-
కడ్డము నిడుపు మొక్కు నతిదీనుఁడై
దొడ్డతన మేది యందు దొర యాడనున్నవాఁడు
వొడ్డి హరిఁ గొలువక వోడుపడె జీవుఁడు
(॥చీచీ॥)
చావనేల నోవనేల సారెఁ గిందుపడనేల
యీవల శ్రీవేంకటేశుఁడింట నున్నాఁడు
దేవుఁ డాతఁడే నేఁడు తెలిసి కొలిచేఁ గాని
భావించ కిన్నాళ్ళదాఁకా భ్రమఁబడె జీవుఁడు
(||pallavi||)
sī sī vivegamā sittabu vigāramā
yesi harim̐ gŏluvaga hīnum̐ḍāya jīvum̐ḍu
(||sīsī||)
badigenaṁṭām̐ boyi payim̐ḍi vuchchuga tana-
padi yavasaramulam̐ brāṇamichchīni
badu kaṁdulona nedi pasim̐ḍi yĕkkaḍa nuṁḍu
gadi harim̐ gŏluvaga kaṭṭuvaḍĕ jīvum̐ḍu
(||sīsī||)
dŏḍḍavām̐ḍanayyenani dŏralam̐ gŏlisi vāri-
kaḍḍamu niḍubu mŏkku nadidīnum̐ḍai
dŏḍḍadana medi yaṁdu dŏra yāḍanunnavām̐ḍu
vŏḍḍi harim̐ gŏluvaga voḍubaḍĕ jīvum̐ḍu
(||sīsī||)
sāvanela novanela sārĕm̐ giṁdubaḍanela
yīvala śhrīveṁkaḍeśhum̐ḍiṁṭa nunnām̐ḍu
devum̐ ḍādam̐ḍe nem̐ḍu tĕlisi kŏlisem̐ gāni
bhāviṁcha kinnāḽḽadām̐kā bhramam̐baḍĕ jīvum̐ḍu