చెదరి తిట్టు పుణుఁగు చెక్కులఁ గరిగి జార
(॥పల్లవి॥)
చెదరి తిట్టు పుణుఁగు చెక్కులఁ గరిగి జార
సుదతి నెచ్చెలి మీఁద సోలగిలినది వో
(॥చెదరి॥)
ఇంతివీఁపు నిమ్మపంట నేమరించి తాఁకవేసి
మంతన మెవ్వరితోనో మాటలాడేవు
అంతలోనే కళదాఁకి అకె మేను జల్లనఁగ
చింతతోనే మోమువంచి సిగ్గువడినదివో
(॥చెదరి॥)
పొలతిఁగుబ్బలు నొవ్వఁబూవులచెండున వేసి
కలికతనమున మరలి చూచేవు
కలకంటి యింతలోనే కంతునిబాణమునవి
పలుకనేరక మానుపడి వున్నదదివో
(॥చెదరి॥)
పొక్కెడిచెలిఁ బన్నీటి పొట్లానఁ దాఁకవేసి
తక్కరి నవ్వులతోడఁ దలవంచేవు
గక్కన నేఁడతివ వేంకటరాయ నినుఁగూడి
వెక్కసపు మఱపతో వెరగందినదివో
(||pallavi||)
sĕdari tiṭṭu puṇum̐gu sĕkkulam̐ garigi jāra
sudadi nĕchchĕli mīm̐da solagilinadi vo
(||sĕdari||)
iṁtivīm̐pu nimmabaṁṭa nemariṁchi tām̐kavesi
maṁtana mĕvvaridono māḍalāḍevu
aṁtalone kaḽadām̐ki agĕ menu jallanam̐ga
siṁtadone momuvaṁchi sigguvaḍinadivo
(||sĕdari||)
pŏladim̐gubbalu nŏvvam̐būvulasĕṁḍuna vesi
kaligadanamuna marali sūsevu
kalagaṁṭi yiṁtalone kaṁtunibāṇamunavi
paluganeraga mānubaḍi vunnadadivo
(||sĕdari||)
pŏkkĕḍisĕlim̐ bannīḍi pŏṭlānam̐ dām̐kavesi
takkari navvuladoḍam̐ dalavaṁchevu
gakkana nem̐ḍadiva veṁkaḍarāya ninum̐gūḍi
vĕkkasabu maṟabado vĕragaṁdinadivo