చేతనైనపాటి సేవ సేయుదుఁ గాక
(॥పల్లవి॥)
చేతనైనపాటి సేవ సేయుదుఁ గాక
ఆతలీతలి పనులు అవి నా వశమా
(॥చేత॥)
గచ్చుల నీ మన సిట్టె కరఁగించఁ గలఁ గాక
నచ్చు నీ చెమట మాన్ప నావశమా
పచ్చిగా నీమోవిమీఁదఁ బల్లు మోపఁగలఁ గాక
లచ్చన గుఱుతు మాన్ప లాగుల నావశమా
(॥చేత॥)
చేరి నీసిగ్గులు దేరఁ జెయి వేయఁగలఁ గాక
నారుఁ బులకలు మాన్ప నావశమా
సారె నీ మోము నేను చక్కఁ జూడఁగలఁ గాక
యేరా నీనవ్వులు మాన్పనివి నావశమా
(॥చేత॥)
అంటి నిన్నుఁ గాఁగిటిలో నలయించఁగలఁ గాక
నంటు నీ నిట్టూర్పు మాన్పనావశమా
జంటవై శ్రీ వెంకటేశ సరుసఁ గూడితి విట్టి
వెంట రాకు మని మాన్ప విభుఁడ నావశమా
(||pallavi||)
sedanainabāḍi seva seyudum̐ gāga
ādalīdali panulu avi nā vaśhamā
(||seda||)
gachchula nī mana siṭṭĕ karam̐giṁcham̐ galam̐ gāga
nachchu nī sĕmaḍa mānpa nāvaśhamā
pachchigā nīmovimīm̐dam̐ ballu mobam̐galam̐ gāga
lachchana guṟudu mānpa lāgula nāvaśhamā
(||seda||)
seri nīsiggulu deram̐ jĕyi veyam̐galam̐ gāga
nārum̐ bulagalu mānpa nāvaśhamā
sārĕ nī momu nenu sakkam̐ jūḍam̐galam̐ gāga
yerā nīnavvulu mānpanivi nāvaśhamā
(||seda||)
aṁṭi ninnum̐ gām̐giḍilo nalayiṁcham̐galam̐ gāga
naṁṭu nī niṭṭūrbu mānpanāvaśhamā
jaṁṭavai śhrī vĕṁkaḍeśha sarusam̐ gūḍidi viṭṭi
vĕṁṭa rāgu mani mānpa vibhum̐ḍa nāvaśhamā