సవతులమైనాను సంగతి దప్పఁ దగునా
(॥పల్లవి॥)
సవతులమైనాను సంగతి దప్పఁ దగునా
రవళి వావిలిపాటి రామచంద్రు ముందర
(॥సవతుల॥)
నీ వనఁగా నే ననఁగా నిష్టూరా లేఁటికే
చేవదేరే మాఁట లెల్ల చిగిరించీని
మోవరాని దూరు లెల్ల మోపులు గట్టఁగాను
వేవేగ నిన్నియు మనవిభుఁడు మోఁచీనా
(॥సవతుల॥)
కా దనఁగా నౌ ననఁగా కరక రేమిటికే
మీఁద మీఁద జగడాలు మితిమీరీని
వాదుల యీ సుద్దు లెల్ల వాములు వెట్టెఁగాను
కా దని మనవిభుఁడు గాదెలఁ బోసీనా
(॥సవతుల॥)
రమ్మనఁగ పొమ్మనఁగ రారాఁపు లేఁటికే
దొమ్మి రేఁగి కాఁకలు తోదోపు లాడీని
నమ్మించి శ్రీవెంకటనాథుఁడు నిన్ను నన్నును
సమ్మతిగాఁ గూడఁగాను సతము లై తిమిగా.
(||pallavi||)
savadulamainānu saṁgadi dappam̐ dagunā
ravaḽi vāvilibāḍi rāmasaṁdru muṁdara
(||savadula||)
nī vanam̐gā ne nanam̐gā niṣhṭūrā lem̐ṭige
sevadere mām̐ṭa lĕlla sigiriṁchīni
movarāni dūru lĕlla mobulu gaṭṭam̐gānu
vevega ninniyu manavibhum̐ḍu mom̐sīnā
(||savadula||)
kā danam̐gā nau nanam̐gā karaga remiḍige
mīm̐da mīm̐da jagaḍālu midimīrīni
vādula yī suddu lĕlla vāmulu vĕṭṭĕm̐gānu
kā dani manavibhum̐ḍu gādĕlam̐ bosīnā
(||savadula||)
rammanam̐ga pŏmmanam̐ga rārām̐pu lem̐ṭige
dŏmmi rem̐gi kām̐kalu todobu lāḍīni
nammiṁchi śhrīvĕṁkaḍanāthum̐ḍu ninnu nannunu
sammadigām̐ gūḍam̐gānu sadamu lai timigā.