సవతుల కెల్ల నీవు చాటి చెప్పింతువు గాక
(॥పల్లవి॥)
సవతుల కెల్ల నీవు చాటి చెప్పింతువు గాక
నవకాన మూలనుంటె నమ్మేరా దేవులని
(॥సవతు॥)
ఆతనివద్ద నుంటె నీ వాల వని యందుఁ గాక
యీతల నీ వెట్టుండినా నెవ్వ రందుము
యేతులకు నీవు మాతో నెరుకలు సేసుకొని
బూతులఁ దిట్టితేనె నీ పొందు గానవచ్చునా
(॥సవతు॥)
ముచ్చట మీరాడుకొంటే మోహాలు గందుము గాక
పచ్చి గుట్టున నుంటె నీ భావ మెందుండు
మచ్చిక నీ చనవులు మా ముందర మెరయించి
కొచ్చి యాతనిఁ జూచితే గుట్టు గానవచ్చునా
(॥సవతు॥)
కాఁగిట శ్రీవెంకటేశుఁ గాఁగిలించుకొంటెఁ గాక
ఆఁగి నీవూర కుండితే నందములౌనా
చేఁగదేర నన్నుఁ గూడె చేరి యాతఁడని నీవె
రాఁగి నీలోనె నవ్వితే రచ్చలకు నెక్కునా
(||pallavi||)
savadula kĕlla nīvu sāḍi sĕppiṁtuvu gāga
navagāna mūlanuṁṭĕ nammerā devulani
(||savadu||)
ādanivadda nuṁṭĕ nī vāla vani yaṁdum̐ gāga
yīdala nī vĕṭṭuṁḍinā nĕvva raṁdumu
yedulagu nīvu mādo nĕrugalu sesugŏni
būdulam̐ diṭṭidenĕ nī pŏṁdu gānavachchunā
(||savadu||)
muchchaḍa mīrāḍugŏṁṭe mohālu gaṁdumu gāga
pachchi guṭṭuna nuṁṭĕ nī bhāva mĕṁduṁḍu
machchiga nī sanavulu mā muṁdara mĕrayiṁchi
kŏchchi yādanim̐ jūside guṭṭu gānavachchunā
(||savadu||)
kām̐giḍa śhrīvĕṁkaḍeśhum̐ gām̐giliṁchugŏṁṭĕm̐ gāga
ām̐gi nīvūra kuṁḍide naṁdamulaunā
sem̐gadera nannum̐ gūḍĕ seri yādam̐ḍani nīvĕ
rām̐gi nīlonĕ navvide rachchalagu nĕkkunā