(॥పల్లవి॥)
సౌమిత్రిసహోదర దశరథరామా
చేముంచి గుత్తిలో వెలసిన రఘురామా
(॥సౌమి॥)
చెలిమి సుగ్రీవుతోడఁ జేసిన రామ తొల్లి
శిలనుఁ బడఁతిఁ గావించిన రామా
చెలరేఁగిన వానరసేనల రామా
శిలుగు మాయామృగముఁ జించిన రామా
(॥సౌమి॥)
తరణివంశ తాటకాంతక రామా
నరనాథ కౌసల్యానందన రామా
సిరులఁ బెండ్లాడిన సీతారామా
గరిమతో సేతువు గట్టిన రామా
(॥సౌమి॥)
రావణాది దనుజహరణ రామా
కావించి విభీషణునిఁ గాచిన రామా
దీవెన లయోధ్యలోఁ జెందిన రామా
శ్రీవేంకటాద్రిమీఁది శ్రీరామా
(||pallavi||)
saumitrisahodara daśharatharāmā
semuṁchi guttilo vĕlasina raghurāmā
(||saumi||)
sĕlimi sugrīvudoḍam̐ jesina rāma tŏlli
śhilanum̐ baḍam̐tim̐ gāviṁchina rāmā
sĕlarem̐gina vānarasenala rāmā
śhilugu māyāmṛgamum̐ jiṁchina rāmā
(||saumi||)
taraṇivaṁśha tāḍagāṁtaga rāmā
naranātha kausalyānaṁdana rāmā
sirulam̐ bĕṁḍlāḍina sīdārāmā
garimado seduvu gaṭṭina rāmā
(||saumi||)
rāvaṇādi danujaharaṇa rāmā
kāviṁchi vibhīṣhaṇunim̐ gāsina rāmā
dīvĕna layodhyalom̐ jĕṁdina rāmā
śhrīveṁkaḍādrimīm̐di śhrīrāmā