Kastoorimalliga

kasthoorimallika pudavachutti

കസ്തൂരിമല്ലിക പുടവചുറ്റി കാനന കന്യയാം കാമവതി
പൂഞ്ചേലപുല്‍കി പൂഞ്ചായല്‍ പുല്‍കി
പൂമണിമാരുതന്‍ കവിയായീ

സൂര്യനമസ്കാരം ചെയ്തെഴുന്നേല്‍ക്കുന്നു
സുപ്രഭാതാഭയില്‍ പൂവള്ളികള്‍
ആകാശപ്പന്തലിലാലോലമാടുന്നു
ആവണിതന്‍ പുഷ്പകാമനകള്‍
(കസ്തൂരിമല്ലിക....)

താളത്തിലോളങ്ങള്‍ നെയ്തെഴുന്നള്ളുന്നു
ഭാവനാമുത്തുകള്‍ തരംഗിണികള്‍
മധുരാര്‍ദ്രലാവണ്യമായ് മുന്നില്‍ നില്‍ക്കുന്നൂ
മരവുരിചുറ്റിയെന്‍ കല്‍പ്പനകള്‍
(കസ്തൂരിമല്ലിക..)