సత్యము సేయఁగవచ్చును సర్వేశ్వర యీమాటకు
(॥పల్లవి॥)
సత్యము సేయఁగవచ్చును సర్వేశ్వర యీమాటకు
నిత్యము నీవే యెఱుఁగుదు నేనేమి నెఱఁగఁ జుమీ
(॥సత్య॥)
సులభుఁడవౌదువు వొకమరి చూడఁగ దుర్లభుఁడవౌదువు
తలఁపింతువు మఱపింతువు తగఁ బ్రాణములోనుండి
పలికింతువు అక్షరముల పరగ నవే వ్రాయింతువు
వెలయఁగ నీవే వెలిగా వేరొకటి నేఁ జేయఁ జుమీ
(॥సత్య॥)
వొనరఁగఁ బూజలు గొందువు వొక్కొకపరి మానుదు వటు
కను మూయింతువు నిదురలఁ గడు మేల్కొలుపుదువు
ఘనముగ నజ్ఞానిఁ జేతువు కరుణతో జ్ఞానిఁ జేతువు
ననుఁ బుట్టించితి నీవే నా కాపని గాదు సుమీ
(॥సత్య॥)
నాలో నుందువు వొకపరి నగి శ్రీవేంకటగిరి నుందువు
పాలింతువు లాలింతువు భవ మీడేరింతువు
పోలింప సంసారిఁ జేతువు భువి నీదాసునిఁ జేతువు
కాలముఁ గర్మము నీవే కపటము నే నేరఁ జుమీ
(||pallavi||)
satyamu seyam̐gavachchunu sarveśhvara yīmāḍagu
nityamu nīve yĕṟum̐gudu nenemi nĕṟam̐gam̐ jumī
(||satya||)
sulabhum̐ḍavauduvu vŏgamari sūḍam̐ga durlabhum̐ḍavauduvu
talam̐piṁtuvu maṟabiṁtuvu tagam̐ brāṇamulonuṁḍi
paligiṁtuvu akṣharamula paraga nave vrāyiṁtuvu
vĕlayam̐ga nīve vĕligā verŏgaḍi nem̐ jeyam̐ jumī
(||satya||)
vŏnaram̐gam̐ būjalu gŏṁduvu vŏkkŏgabari mānudu vaḍu
kanu mūyiṁtuvu niduralam̐ gaḍu melgŏlubuduvu
ghanamuga najñānim̐ jeduvu karuṇado jñānim̐ jeduvu
nanum̐ buṭṭiṁchidi nīve nā kābani gādu sumī
(||satya||)
nālo nuṁduvu vŏgabari nagi śhrīveṁkaḍagiri nuṁduvu
pāliṁtuvu lāliṁtuvu bhava mīḍeriṁtuvu
poliṁpa saṁsārim̐ jeduvu bhuvi nīdāsunim̐ jeduvu
kālamum̐ garmamu nīve kabaḍamu ne neram̐ jumī