(॥పల్లవి॥)
సత్యభామ సరసపు నగవు
నిత్యము హరి మదినే నెలవాయ
(॥సత్య॥)
రుకుమిణిదేవికి రూపయవ్వనికి
సకల విభవముల సౌఖ్యతలు
చికురాంబరమునఁ జెదరిన యలకలు
వికచాబ్జముఖము వెయివేలాయ
(॥సత్య॥)
తొడవుల శ్రీసతి తొలుమెఱుఁగులమై
నడపుల మురిపెపు నగుమోము
తడయక వారిధి దచ్చిన హరికిని
బడలిక వాపను పరమంబాయ
(॥సత్య॥)
అనుదినమును నీ యలమేలుమంగ
కనుఁగవ జంకెన గర్వములు
దినదినంబులును తిరువేంకటపతి-
చనవుల సొబగుల సంపదలాయ
(||pallavi||)
satyabhāma sarasabu nagavu
nityamu hari madine nĕlavāya
(||satya||)
rugumiṇidevigi rūbayavvanigi
sagala vibhavamula saukhyadalu
sigurāṁbaramunam̐ jĕdarina yalagalu
vigasābjamukhamu vĕyivelāya
(||satya||)
tŏḍavula śhrīsadi tŏlumĕṟum̐gulamai
naḍabula muribĕbu nagumomu
taḍayaga vāridhi dachchina harigini
baḍaliga vābanu paramaṁbāya
(||satya||)
anudinamunu nī yalamelumaṁga
kanum̐gava jaṁkĕna garvamulu
dinadinaṁbulunu tiruveṁkaḍabadi-
sanavula sŏbagula saṁpadalāya