(॥పల్లవి॥)
సర్వేశ్వరా నీకు శరణుచొచ్చితి మిదే
వుర్విలోన నేమెంచే వుపమ లేమున్నవి
(॥సర్వే॥)
వెలయ నేమిటికైనా వెరవకుండేనంటే
యెలమి ధైర్యము నీవియ్యక లేదు
బలిమి చూపెద నేపట్టుననైనా నంటే
చెలఁగి నీవే లోని చేతనాత్మకుఁడవు
(॥సర్వే॥)
జగములోపల నేనెచ్చరికై వుండేనంటే
అగపడి బుద్ధి నీవియ్యక లేదు
పగటు సంసారము భ్రమ విడిచేనంటే
మగటిమిగల నీవు మాయానాథుఁడవు
(॥సర్వే॥)
కేవల మీ పుట్టుగును గెలిచి వుండేనంటే
ఆవేళ నీవు ముక్తియ్యక లేదు
శ్రీవేంకటేశ్వర నీకు చేకానుకిచ్చేనంటే
లావుసంపదల నీవు లక్ష్మీనాథుఁడవు
(||pallavi||)
sarveśhvarā nīgu śharaṇusŏchchidi mide
vurvilona nemĕṁche vubama lemunnavi
(||sarve||)
vĕlaya nemiḍigainā vĕravaguṁḍenaṁṭe
yĕlami dhairyamu nīviyyaga ledu
balimi sūbĕda nebaṭṭunanainā naṁṭe
sĕlam̐gi nīve loni sedanātmagum̐ḍavu
(||sarve||)
jagamulobala nenĕchcharigai vuṁḍenaṁṭe
agabaḍi buddhi nīviyyaga ledu
pagaḍu saṁsāramu bhrama viḍisenaṁṭe
magaḍimigala nīvu māyānāthum̐ḍavu
(||sarve||)
kevala mī puṭṭugunu gĕlisi vuṁḍenaṁṭe
āveḽa nīvu muktiyyaga ledu
śhrīveṁkaḍeśhvara nīgu segānugichchenaṁṭe
lāvusaṁpadala nīvu lakṣhmīnāthum̐ḍavu