సర్వరక్షకుఁడైన సర్వేశుఁడే కాక
(॥పల్లవి॥)
సర్వరక్షకుఁడైన సర్వేశుఁడే కాక
వుర్విమీఁద నందరిలో నొక్కఁడా రాముఁడు
(॥సర్వ॥)
కొండ పొడవులైన ఘోర వానర బలము
గుండుగా వారిధి దండఁ గూడఁబెట్టి
నిండు జెలనిధి గట్టి నిగిడి లంక సాధించె
అండనే రాముఁడు నరుఁ డనవచ్చునా
(॥సర్వ॥)
అన్నిటా దేవతలకు నసాధ్యమైన రావణు -
నెన్నికగాఁ బుత్ర మిత్ర హితుల తోడ
పన్నుకొని శస్త్రాస్త్ర పంక్తులనే ఖండించె
సన్నుతి నిట్టే రాముని జనుఁడన వచ్చునా
(॥సర్వ॥)
చలపట్టి లంక విభీషణునికిఁ బాలించి
బలువుగ సీతఁగూడి పట్టమేలి
యిలలో శ్రీ వేంకటాద్రి నిరవై లోకము గాచీ
నలువంక రాముఁడు నరుఁడనవచ్చునా
(||pallavi||)
sarvarakṣhagum̐ḍaina sarveśhum̐ḍe kāga
vurvimīm̐da naṁdarilo nŏkkam̐ḍā rāmum̐ḍu
(||sarva||)
kŏṁḍa pŏḍavulaina ghora vānara balamu
guṁḍugā vāridhi daṁḍam̐ gūḍam̐bĕṭṭi
niṁḍu jĕlanidhi gaṭṭi nigiḍi laṁka sādhiṁchĕ
aṁḍane rāmum̐ḍu narum̐ ḍanavachchunā
(||sarva||)
anniḍā devadalagu nasādhyamaina rāvaṇu -
nĕnnigagām̐ butra mitra hidula toḍa
pannugŏni śhastrāstra paṁktulane khaṁḍiṁchĕ
sannudi niṭṭe rāmuni janum̐ḍana vachchunā
(||sarva||)
salabaṭṭi laṁka vibhīṣhaṇunigim̐ bāliṁchi
baluvuga sīdam̐gūḍi paṭṭameli
yilalo śhrī veṁkaḍādri niravai logamu gāsī
naluvaṁka rāmum̐ḍu narum̐ḍanavachchunā