సర్వజ్ఞత్వము వెదకఁగనొల్లను సందేహింపఁగనొల్లను
(॥పల్లవి॥)
సర్వజ్ఞత్వము వెదకఁగనొల్లను సందేహింపఁగనొల్లను
సర్వజ్ఞుండును నాచార్యుండే సర్వశేషమే నాజీవనము
(॥సర్వ॥)
యెఱఁగఁగనొల్లము విజ్ఞానపుగతి యెఱుకలు నే మిటుసోదించి
యెఱిఁగి యితరులను బోధించెదమను యీపెద్దరికము నొల్లము
యెఱిఁగేటివాడును యాచార్యుండే యెఱుకయుసర్వేశ్వరుఁడే
యెఱుకయు మఱపును మానివుండుటే యిదియేపో మావిజ్ఞానము
(॥సర్వ॥)
చదువఁగనొల్లము సకలశాస్త్రములు సారెకుసారెకు సోదించి
చదివి పరులతో యుక్తివాదములు జగడము గెలువగనొల్లము
చదివేటివాఁడును నాచార్యుండే చదువును నాయంతర్యామే
చదువుకుఁ జదువమికియు దొలఁగుటే నానాసాత్వికభావమే నాతెలివి
(॥సర్వ॥)
అన్నిటికిని నే నధికారిననెడియహంకారము నొల్లను
కన్నులజూచుచు నందరితో నేఁ గాదని తొలఁగానొల్లను
మన్నన శ్రీవేంకటేశ్వరుకరుణను మాయాచార్యుఁడే అధికారి
వున్నరీతినే అస్తినాస్తులకు నూరకుండుటే నాతలఁపు
(||pallavi||)
sarvajñatvamu vĕdagam̐ganŏllanu saṁdehiṁpam̐ganŏllanu
sarvajñuṁḍunu nāsāryuṁḍe sarvaśheṣhame nājīvanamu
(||sarva||)
yĕṟam̐gam̐ganŏllamu vijñānabugadi yĕṟugalu ne miḍusodiṁchi
yĕṟim̐gi yidarulanu bodhiṁchĕdamanu yībĕddarigamu nŏllamu
yĕṟim̐geḍivāḍunu yāsāryuṁḍe yĕṟugayusarveśhvarum̐ḍe
yĕṟugayu maṟabunu mānivuṁḍuḍe yidiyebo māvijñānamu
(||sarva||)
saduvam̐ganŏllamu sagalaśhāstramulu sārĕgusārĕgu sodiṁchi
sadivi parulado yuktivādamulu jagaḍamu gĕluvaganŏllamu
sadiveḍivām̐ḍunu nāsāryuṁḍe saduvunu nāyaṁtaryāme
saduvugum̐ jaduvamigiyu dŏlam̐guḍe nānāsātvigabhāvame nādĕlivi
(||sarva||)
anniḍigini ne nadhigārinanĕḍiyahaṁkāramu nŏllanu
kannulajūsusu naṁdarido nem̐ gādani tŏlam̐gānŏllanu
mannana śhrīveṁkaḍeśhvarugaruṇanu māyāsāryum̐ḍe adhigāri
vunnarīdine astināstulagu nūraguṁḍuḍe nādalam̐pu