(॥పల్లవి॥)
సర్వాత్మకుఁడవు సర్వేశ్వరుఁడ నా-
పూర్వాపరాలు నీకే భువి సమర్పయామి
(॥సర్వా॥)
వేగిలేచి నేఁ జేసేవెడచేఁత నీ చేఁతే
ఆగడపు మాటాడిన నది నీ మాటే
ఆగము భోగములు నా యన్నపానాదులు మరి
శ్రీగురుఁడ నాలోని చింతయు నీ చింతే
(॥సర్వా॥)
కోపము శాంతములును గుణావగుణము నా-
రూపును నీ సాకారరూపమే
పాపపుణ్యములు నా ప్రాణవాయువులును
శ్రీపతి నా సంసారసేవయు నీసేవే
(॥సర్వా॥)
ఉదయాస్తమపు దినా లున్నాఁడ నీ దినములే(?)
యెదురు నేను నీ వాఁడ నింతా నీదె
అదివో శ్రీవేంకటేశ అంతరియామివి నీవే
నిదుర మేల్కొనుటయు నీమహిమే
(||pallavi||)
sarvātmagum̐ḍavu sarveśhvarum̐ḍa nā-
pūrvābarālu nīge bhuvi samarbayāmi
(||sarvā||)
vegilesi nem̐ jesevĕḍasem̐ta nī sem̐te
āgaḍabu māḍāḍina nadi nī māḍe
āgamu bhogamulu nā yannabānādulu mari
śhrīgurum̐ḍa nāloni siṁtayu nī siṁte
(||sarvā||)
kobamu śhāṁtamulunu guṇāvaguṇamu nā-
rūbunu nī sāgārarūbame
pābabuṇyamulu nā prāṇavāyuvulunu
śhrībadi nā saṁsārasevayu nīseve
(||sarvā||)
udayāstamabu dinā lunnām̐ḍa nī dinamule(?)
yĕduru nenu nī vām̐ḍa niṁtā nīdĕ
adivo śhrīveṁkaḍeśha aṁtariyāmivi nīve
nidura melgŏnuḍayu nīmahime