(॥పల్లవి॥)
సరిలే రితనికి సాహస విక్రముఁ డీతఁ -
డరయ కలశాపుర హనుమంతుఁడు
(॥సరి॥)
వుదధి లఘించినాఁడు వుబ్బున మైనాకముచే
పొదలి నట్ట నడుమఁ బూజ గొన్నాఁడు
సదరాననే లంక సాధించి వచ్చినాఁడు
అదివో కలశాపుర హనుమంతుఁడు
(॥సరి॥)
సంజీవి దెచ్చినాఁడు సమరరంగమందు
భంజించి వానరుల బదికించినాఁడు
అంజనీదేవికిఁ గొడుకైనాఁడు యేపనుల-
నంజఁడు కలశాపుర హనుమంతుఁడు
(॥సరి॥)
బలు రాకాసులనెల్లా పట్టి చదిపినవాఁడు
ఇల రామునికిఁ గడు హితుఁడైనాఁడు
చెలఁగి శ్రీ వేంకటేశు సేవ సేయుచున్నవాఁడు
అలరి కలశాపుర హనుమంతుఁడు
(||pallavi||)
sarile ridanigi sāhasa vikramum̐ ḍīdam̐ -
ḍaraya kalaśhābura hanumaṁtum̐ḍu
(||sari||)
vudadhi laghiṁchinām̐ḍu vubbuna maināgamuse
pŏdali naṭṭa naḍumam̐ būja gŏnnām̐ḍu
sadarānane laṁka sādhiṁchi vachchinām̐ḍu
adivo kalaśhābura hanumaṁtum̐ḍu
(||sari||)
saṁjīvi dĕchchinām̐ḍu samararaṁgamaṁdu
bhaṁjiṁchi vānarula badigiṁchinām̐ḍu
aṁjanīdevigim̐ gŏḍugainām̐ḍu yebanula-
naṁjam̐ḍu kalaśhābura hanumaṁtum̐ḍu
(||sari||)
balu rāgāsulanĕllā paṭṭi sadibinavām̐ḍu
ila rāmunigim̐ gaḍu hidum̐ḍainām̐ḍu
sĕlam̐gi śhrī veṁkaḍeśhu seva seyusunnavām̐ḍu
alari kalaśhābura hanumaṁtum̐ḍu