సరికి బేసికి మీ చదురుఁదనాలు మించె
(॥పల్లవి॥)
సరికి బేసికి మీ చదురుఁదనాలు మించె
ఇరుగుపొరుగులను యిద్దరును జాణలే
(॥సరికి॥)
కలువల వేసితేను కమలాన వేసెనాపె
మలసి యెడమాటలు మఱియేఁటికి
పలువరుస చూపితే తలయెత్తి నిక్కెనాపె
యెలమిఁ దెలుసుకొంటిరిద్దరూను జాణలే
(॥సరికి॥)
పరగ చేత మొక్కితే పాపట దువ్వెనాపె
అరసి లేకలు వా సి అంపనేఁటికి
పొరిఁ గస్తూరి చల్లితే పొంచి కుంకుమాపె చల్లె
యిరవు దెలుసుకొంటిరిద్దరూను జాణలే
(॥సరికి॥)
పచ్చడము గప్పుకుంటే పయ్యెద దెఱచెనాపె
ఇచ్చట సన్నలుసేయనిఁకనేఁటికి
మెచ్చితే శ్రీ వేంకటేశ మెయిలచ్చన చూపెనాపె
యెచ్చి లోలోనే కూడితిరిద్దరూను జాణలే
(||pallavi||)
sarigi besigi mī sadurum̐danālu miṁchĕ
irugubŏrugulanu yiddarunu jāṇale
(||sarigi||)
kaluvala vesidenu kamalāna vesĕnābĕ
malasi yĕḍamāḍalu maṟiyem̐ṭigi
paluvarusa sūbide talayĕtti nikkĕnābĕ
yĕlamim̐ dĕlusugŏṁṭiriddarūnu jāṇale
(||sarigi||)
paraga seda mŏkkide pābaḍa duvvĕnābĕ
arasi legalu vā si aṁpanem̐ṭigi
pŏrim̐ gastūri sallide pŏṁchi kuṁkumābĕ sallĕ
yiravu dĕlusugŏṁṭiriddarūnu jāṇale
(||sarigi||)
pachchaḍamu gappuguṁṭe payyĕda dĕṟasĕnābĕ
ichchaḍa sannaluseyanim̐kanem̐ṭigi
mĕchchide śhrī veṁkaḍeśha mĕyilachchana sūbĕnābĕ
yĕchchi lolone kūḍidiriddarūnu jāṇale