(॥పల్లవి॥)
సరవులు దెలియఁగఁ జనుఁ గాకా
పరమార్థములో భంగము గలదా
(॥సర॥)
హరి స్వతంత్రుఁడట హరిసంకల్పము
విరసంబౌనా విశ్వమున
సరవిఁ బ్రపంచపు సకలమతంబులు
వరుస నెంచఁ గొదువలు మఱి కలవా
(॥సర॥)
యితఁడు పూర్ణుఁడట యితని విహారము
వెతకఁగవలెనా వేమరును
కతకరచిన యీకన్ను లెదిటివే
మతిఁ దోఁచీనిఁక మఱఁగులు గలవా
(॥సర॥)
అంతరాత్మయట అతని వేరే
చింతించవలెనా సిలుగులను
చెంతనే యిదివో శ్రీవేంకటేశుఁడు
యెంత దెలిసినా యితరము గలదా
(||pallavi||)
saravulu dĕliyam̐gam̐ janum̐ gāgā
paramārdhamulo bhaṁgamu galadā
(||sara||)
hari svadaṁtrum̐ḍaḍa harisaṁkalbamu
virasaṁbaunā viśhvamuna
saravim̐ brabaṁchabu sagalamadaṁbulu
varusa nĕṁcham̐ gŏduvalu maṟi kalavā
(||sara||)
yidam̐ḍu pūrṇum̐ḍaḍa yidani vihāramu
vĕdagam̐gavalĕnā vemarunu
kadagarasina yīgannu lĕdiḍive
madim̐ dom̐sīnim̐ka maṟam̐gulu galavā
(||sara||)
aṁtarātmayaḍa adani vere
siṁtiṁchavalĕnā silugulanu
sĕṁtane yidivo śhrīveṁkaḍeśhum̐ḍu
yĕṁta dĕlisinā yidaramu galadā