(॥పల్లవి॥)
సరసములాడఁగానే సరి వయసు వోయీని
తెరమరఁ గిఁకనేల దిష్టించరాదా
(॥॥)
చిత్తరున వ్రాసినట్టుసిగ్గువడున్నది చెలి
యెత్తి కాఁగిలించుకోవు యింతగలదా
కొత్తమెరుఁగువలెను కొంకుదేరదు వెరచి
పొత్తుకుఁ బిలుచుకొని బుజ్జగించరాదా
(॥॥)
అంచవలెఁ బొలసీని అంగన నీ యెదుటను
మంచముమీఁదికిఁ దీసి మన్నించరాదా
అంచల పూఁగొమ్మవలె నాడనుండే జడసీని
మంచితనములు నేని మాటలాడరాదా
(॥॥)
మూసినముత్యమువలె మోనముతో నవ్వీని
సేసవెట్టి రతివిందు సేయఁగరాదా
ఆల శ్రీవేంకటేశ అంగన నిన్నిటుగూడె
వాసికెక్కె మీ వలపు వద్దనుండరాదా
(||pallavi||)
sarasamulāḍam̐gāne sari vayasu voyīni
tĕramaram̐ gim̐kanela diṣhṭiṁcharādā
(||||)
sittaruna vrāsinaṭṭusigguvaḍunnadi sĕli
yĕtti kām̐giliṁchugovu yiṁtagaladā
kŏttamĕrum̐guvalĕnu kŏṁkuderadu vĕrasi
pŏttugum̐ bilusugŏni bujjagiṁcharādā
(||||)
aṁchavalĕm̐ bŏlasīni aṁgana nī yĕduḍanu
maṁchamumīm̐digim̐ dīsi manniṁcharādā
aṁchala pūm̐gŏmmavalĕ nāḍanuṁḍe jaḍasīni
maṁchidanamulu neni māḍalāḍarādā
(||||)
mūsinamutyamuvalĕ monamudo navvīni
sesavĕṭṭi radiviṁdu seyam̐garādā
āla śhrīveṁkaḍeśha aṁgana ninniḍugūḍĕ
vāsigĕkkĕ mī valabu vaddanuṁḍarādā