jyot se jyot jagāte chalo, prem kī gaṅgā bahāte chalo
rāh meṅ āe jo dīn dukhī, sabko gale se lagāte chalo
jiskā na koī saṅgī sāthī īśhvar hai rakhvālā
jo nirdhan hai jo nirbal hai vah hai prbhū kā pyārā
pyār ke motī luṭāte chalo, prem kī gaṅgā…
āśhā ṭūṭī mamtā rūṭhī chhūṭ gayā hai kinārā
baṅd karo mat dvār dayā kā de do kuchh to sahārā
dīp dayā kā jalāte chalo, prem kī gaṅgā…
chhāī hai chhāoṅ aur aṅdherā bhaṭak gaī haiṅ diśhāeṅ
mānav ban baiṭhā hai dānav kisko vythā sunāeṅ
dhartī ko svarg banāte chalo, prem kī gaṅgā…
jyot se jyot jagāte chalo prem kī gaṅgā bahāte chalo
rāh meṅ āe jo dīn dukhī sab ko gale se lagāte chalo
prem kī gaṅgā bahāte chalo …
kaun hai ūṇchā kaun hai nīchā sab meṅ vo hī samāyā
bhed bhāv ke jhūṭhe bharam meṅ ye mānav bharmāyā
dharm dhvjā phahrāte chalo, prem kī gaṅgā …
sāre jag ke kaṇ kaṇ meṅ hai divy amar ik ātmā
ek brahm hai ek saty hai ek hī hai parmātmā
prāṇoṅ se prāṇ milāte chalo, prem kī gaṅgā …
