సన్నపు నవ్వుఁజూపుల చల్లులాఁడి యిప్పు
(॥పల్లవి॥)
సన్నపు నవ్వుఁజూపుల చల్లులాఁడి యిప్పు-
డిన్నివిధముల మించె నిదివో తపము
(॥సన్న॥)
ఏడునిలువుల పైఁడిమేడమీఁద నుండి నిన్నుఁ
జూడ వేడుకైన మించుఁజూపు లాడి
వాడుచు నీకునెదురు వడిఁజూడ నంతలో నీ-
వేడనుండో విచ్చేసితివిదివో తపము
(॥సన్న॥)
కొత్తలయిన మాణికపు కొలువుటోవరిలోన
ముత్తేల చెఱఁగుదూలు మురువులాఁడి
తత్తరానఁ దమకించి తరుణికోరికలెల్ల-
నిత్తునని విచ్చేసితివిదివో తపము
(॥సన్న॥)
పుప్పొడితావులు చల్లు పువ్వులచప్పరములో
కొప్పు నన్నుఁ బెట్టుమన్న గుబ్బలాఁడి
తెప్పలుగ నినుఁగూడి తిరువేంకటేశ నిన్ను-
నెప్పుడుఁ బాయకున్నదిదివో తపము
(||pallavi||)
sannabu navvum̐jūbula sallulām̐ḍi yippu-
ḍinnividhamula miṁchĕ nidivo tabamu
(||sanna||)
eḍuniluvula paim̐ḍimeḍamīm̐da nuṁḍi ninnum̐
jūḍa veḍugaina miṁchum̐jūbu lāḍi
vāḍusu nīgunĕduru vaḍim̐jūḍa naṁtalo nī-
veḍanuṁḍo vichchesidividivo tabamu
(||sanna||)
kŏttalayina māṇigabu kŏluvuḍovarilona
muttela sĕṟam̐gudūlu muruvulām̐ḍi
tattarānam̐ damagiṁchi taruṇigorigalĕlla-
nittunani vichchesidividivo tabamu
(||sanna||)
puppŏḍidāvulu sallu puvvulasapparamulo
kŏppu nannum̐ bĕṭṭumanna gubbalām̐ḍi
tĕppaluga ninum̐gūḍi tiruveṁkaḍeśha ninnu-
nĕppuḍum̐ bāyagunnadidivo tabamu