(॥పల్లవి॥)
సముఖా యెచ్చరిక వో సర్వేశ్వరా
అమరె నీ కొలువు ప్రహ్లాదవరదా
(॥సము॥)
తొడమీఁదఁ గూచున్నది తొయ్యలి యిందిరాదేవి
బడిఁ జెలులు సోబానఁ బాడేరు
నడుమ వీణె వాఇంచీ నారదుఁ డల్లవాఁడె
అడరి చిత్తగించు ప్రహ్లాదవరదా
(॥సము॥)
గరుడోరగాదు లూడిగములు నీకుఁ జేసేరు
యిరుమేలాఁ గొలిచేరు యింద్రాదులు
పరమేష్టి యొకవంక పనులు విన్నవించీ
అరసి చిత్తగించు ప్రహ్లాదవరదా
(॥సము॥)
పొదిగొని మిమ్మునిట్టే పూజించేరు మునులెల్లా
కదిసి పాడేరు నిన్ను గంధర్వులు
ముదమున నహోబలమునను శ్రీ వేంకటాద్రి -
నదె చిత్తగించుము ప్రహ్లాదవరదా
(||pallavi||)
samukhā yĕchchariga vo sarveśhvarā
amarĕ nī kŏluvu prahlādavaradā
(||samu||)
tŏḍamīm̐dam̐ gūsunnadi tŏyyali yiṁdirādevi
baḍim̐ jĕlulu sobānam̐ bāḍeru
naḍuma vīṇĕ vāiṁchī nāradum̐ ḍallavām̐ḍĕ
aḍari sittagiṁchu prahlādavaradā
(||samu||)
garuḍoragādu lūḍigamulu nīgum̐ jeseru
yirumelām̐ gŏliseru yiṁdrādulu
parameṣhṭi yŏgavaṁka panulu vinnaviṁchī
arasi sittagiṁchu prahlādavaradā
(||samu||)
pŏdigŏni mimmuniṭṭe pūjiṁcheru munulĕllā
kadisi pāḍeru ninnu gaṁdharvulu
mudamuna nahobalamunanu śhrī veṁkaḍādri -
nadĕ sittagiṁchumu prahlādavaradā