(॥పల్లవి॥)
చంకగుదియ యిదే శరణార్తి నే నిదే
తెంకి నా భావము దేవుఁడే యెరుఁగు
(॥చంక॥)
కోరెడి చిత్తము కోరక మానదు
వైరాగ్యము నే వదలను
యీరీతి దినములు యిట్లనే కడచీ
తేరిన పను లిఁక దేవుఁడే యెరుఁగు
(॥చంక॥)
తగు సంసారము తనువునఁ బెనఁగీ
వెగటై మోక్షము వెదకేను
పగటున రెంటాఁ బరగిన జీవుఁడు
తెగువలుఁ దగులమి దేవుఁడే యెరుఁగు
(॥చంక॥)
పంచేంద్రియములు పారీ నిక్కడ
పెంచఁ బెద్దనై పెరిగేను
అంచెల శ్రీవేంకటాధిపుఁ గొలిచితి
దించని యీమాయ దేవుఁడే యెరుఁగు
(||pallavi||)
saṁkagudiya yide śharaṇārdi ne nide
tĕṁki nā bhāvamu devum̐ḍe yĕrum̐gu
(||saṁka||)
korĕḍi sittamu koraga mānadu
vairāgyamu ne vadalanu
yīrīdi dinamulu yiṭlane kaḍasī
terina panu lim̐ka devum̐ḍe yĕrum̐gu
(||saṁka||)
tagu saṁsāramu tanuvunam̐ bĕnam̐gī
vĕgaḍai mokṣhamu vĕdagenu
pagaḍuna rĕṁṭām̐ baragina jīvum̐ḍu
tĕguvalum̐ dagulami devum̐ḍe yĕrum̐gu
(||saṁka||)
paṁcheṁdriyamulu pārī nikkaḍa
pĕṁcham̐ bĕddanai pĕrigenu
aṁchĕla śhrīveṁkaḍādhibum̐ gŏlisidi
diṁchani yīmāya devum̐ḍe yĕrum̐gu