సంగరహితుఁడైనఁ కాక శాంత మాత్మ కేల కలుగు
(॥పల్లవి॥)
సంగరహితుఁడైనఁ కాక శాంత మాత్మ కేల కలుగు
సంగతెఱుగనట్టివారి జాడ లూరకుండునా
(॥సంగ॥)
వెలయ నగ్ని పొంతనున్న వెన్న గరఁగ కేల మాను
పెలుచఁ జల్లతోడిపాలు పేరకుండునా
అలరి యరడు(?) వద్ధి తీగె అంటఁబావ కేలమాను
చెలులసరస నున్నవారిచిత్త మూరకుండునా
(॥సంగ॥)
బెరసి యినుముతోడియగ్ని పెట్టువడక యేలమాను
విరులతేనె చూచి తేఁటి విడువ నేర్చునా
వొరసి యుల్లిఁ గూడి కప్ర ముగ్రగంధ మేల మాను
సిరులతోడ మెలఁగువారు చింత లేక వుందురా
(॥సంగ॥)
వూరిచవుటనేల జలము లుప్ప నుండ కేల మాను
వూరుగాయకడవ బేఁట్లు వురుల కుండునా
కోరి శ్రీవేంకటేకొమ్మ యలమేలుమంగఁ
జేరకున్నవారికతలు చెప్ప నెట్టువచ్చును
(||pallavi||)
saṁgarahidum̐ḍainam̐ kāga śhāṁta mātma kela kalugu
saṁgadĕṟuganaṭṭivāri jāḍa lūraguṁḍunā
(||saṁga||)
vĕlaya nagni pŏṁtanunna vĕnna garam̐ga kela mānu
pĕlusam̐ jalladoḍibālu peraguṁḍunā
alari yaraḍu(?) vaddhi tīgĕ aṁṭam̐bāva kelamānu
sĕlulasarasa nunnavārisitta mūraguṁḍunā
(||saṁga||)
bĕrasi yinumudoḍiyagni pĕṭṭuvaḍaga yelamānu
viruladenĕ sūsi tem̐ṭi viḍuva nersunā
vŏrasi yullim̐ gūḍi kapra mugragaṁdha mela mānu
siruladoḍa mĕlam̐guvāru siṁta lega vuṁdurā
(||saṁga||)
vūrisavuḍanela jalamu luppa nuṁḍa kela mānu
vūrugāyagaḍava bem̐ṭlu vurula kuṁḍunā
kori śhrīveṁkaḍegŏmma yalamelumaṁgam̐
jeragunnavārigadalu sĕppa nĕṭṭuvachchunu