సంగతిగా మాఁటలాడ జాణ వౌదువె । నీ ।
(॥పల్లవి॥)
సంగతిగా మాఁటలాడ జాణ వౌదువె । నీ ।
సంగతి గలదు గాన జాణనె పో యెపుడు
(॥సంగతి॥)
యెక్కువఁ బయ్యదలోని వేఁటివె యింతి అవి
పక్కనె వలపు నించే పైఁడికుండలు
పెక్కువ మేడలమీఁదఁ బెట్టవచ్చుఁబో నీవు
మిక్కిలి నెప్పుడు నుండే మేడవో నాదేహము
(॥సంగతి॥)
హెచ్చె నీమైఁ బులక లివేఁటికె యింతి అవి
ముచ్చట మోహపునోము మొలకలురా
పెచ్చుగా దేవరమీఁదఁ బెట్టచ్చుఁబో నీవె
వచ్చి వరము లిచ్చే దేవరవెపో నాకును
(॥సంగతి॥)
యినుమడించెఁ జెమట లేఁటికే యింతి రతిఁ
దనివోని కళలెల్ల దైలువారెరా
అనువై అట్లానైతె అగ్గువాయఁబో నన్ను
ఘనమై కూడితి శ్రీవేంకటనాథుఁడా.
(||pallavi||)
saṁgadigā mām̐ṭalāḍa jāṇa vauduvĕ | nī |
saṁgadi galadu gāna jāṇanĕ po yĕbuḍu
(||saṁgadi||)
yĕkkuvam̐ bayyadaloni vem̐ṭivĕ yiṁti avi
pakkanĕ valabu niṁche paim̐ḍiguṁḍalu
pĕkkuva meḍalamīm̐dam̐ bĕṭṭavachchum̐bo nīvu
mikkili nĕppuḍu nuṁḍe meḍavo nādehamu
(||saṁgadi||)
hĕchchĕ nīmaim̐ bulaga livem̐ṭigĕ yiṁti avi
muchchaḍa mohabunomu mŏlagalurā
pĕchchugā devaramīm̐dam̐ bĕṭṭachchum̐bo nīvĕ
vachchi varamu lichche devaravĕbo nāgunu
(||saṁgadi||)
yinumaḍiṁchĕm̐ jĕmaḍa lem̐ṭige yiṁti radim̐
danivoni kaḽalĕlla dailuvārĕrā
anuvai aṭlānaidĕ agguvāyam̐bo nannu
ghanamai kūḍidi śhrīveṁkaḍanāthum̐ḍā.