(॥పల్లవి॥)
సందెకాడఁ బుట్టినట్టి చాయలపంట యెంత -
చందమాయఁ జూడరమ్మ చందమామ పంట
(॥సందె॥)
మునుపఁ బాలవెల్లి మొలచి పండినపంట
నినుపై దేవతలకు నిచ్చపంట
గొనకొని హరికన్నుఁగొనచూపులపంట
వినువీధినెగడినవెన్నెలలపంట
(॥సందె॥)
వలరాజుపంపున వలపువిత్తినపంట
చలువై పున్నమనాఁటి జాజరపంట
కలిమికామినితోడ కారుకమ్మినపంట
మలయుచుఁ దమలోనిమఱ్ఱిమానిపంట
(॥సందె॥)
విరహులగుండెలకు వెక్కసమైనపంట
పరగ చుక్కలరాసిభాగ్యముపంట
అరుదై తూరుపుఁగొండ నారఁగ బండినపంట
యిరవై శ్రీవేంకటేశునింటిలోనిపంట
(||pallavi||)
saṁdĕgāḍam̐ buṭṭinaṭṭi sāyalabaṁṭa yĕṁta -
saṁdamāyam̐ jūḍaramma saṁdamāma paṁṭa
(||saṁdĕ||)
munubam̐ bālavĕlli mŏlasi paṁḍinabaṁṭa
ninubai devadalagu nichchabaṁṭa
gŏnagŏni harigannum̐gŏnasūbulabaṁṭa
vinuvīdhinĕgaḍinavĕnnĕlalabaṁṭa
(||saṁdĕ||)
valarājubaṁpuna valabuvittinabaṁṭa
saluvai punnamanām̐ṭi jājarabaṁṭa
kalimigāminidoḍa kārugamminabaṁṭa
malayusum̐ damalonimaṭrimānibaṁṭa
(||saṁdĕ||)
virahulaguṁḍĕlagu vĕkkasamainabaṁṭa
paraga sukkalarāsibhāgyamubaṁṭa
arudai tūrubum̐gŏṁḍa nāram̐ga baṁḍinabaṁṭa
yiravai śhrīveṁkaḍeśhuniṁṭilonibaṁṭa