(॥పల్లవి॥)
సందడి సొమ్ములతోడి సాకారమిదె వీఁడె
యిందరు వర్ణించరే యీ రూపము
(॥సంద॥)
చుక్కలతో నాకాశము సూటై నిలువఁబోలు
నిక్కి రత్నాలజలధినీటు గాఁబోలు
మిక్కిలి నానావర్ణ మేఘపంక్తి గాఁబోలు
యిక్కడనే నిలుచున్న దీరూపము
(॥సంద॥)
నించిన పంచవన్నెల నీలగిరి గాఁబోలు
అంచల సంధ్యాకాల మది గాఁబోలు
చించ కాతని మెరుఁగుల చీఁకటిది గాఁబోలు
యెంచఁగ నలవిగాదు యీ రూపము
(॥సంద॥)
పున్నమ సమాసయు పోగై నిలువఁబోలు
వున్నతి యోగీంద్రుల యూహ గాఁబోలు
పన్నిన బ్రహ్మాండాల భరణిది గాఁబోలు
యిన్నిట శ్రీ వేంకటేశు యీ రూపము
(||pallavi||)
saṁdaḍi sŏmmuladoḍi sāgāramidĕ vīm̐ḍĕ
yiṁdaru varṇiṁchare yī rūbamu
(||saṁda||)
sukkalado nāgāśhamu sūḍai niluvam̐bolu
nikki ratnālajaladhinīḍu gām̐bolu
mikkili nānāvarṇa meghabaṁkti gām̐bolu
yikkaḍane nilusunna dīrūbamu
(||saṁda||)
niṁchina paṁchavannĕla nīlagiri gām̐bolu
aṁchala saṁdhyāgāla madi gām̐bolu
siṁcha kādani mĕrum̐gula sīm̐kaḍidi gām̐bolu
yĕṁcham̐ga nalavigādu yī rūbamu
(||saṁda||)
punnama samāsayu pogai niluvam̐bolu
vunnadi yogīṁdrula yūha gām̐bolu
pannina brahmāṁḍāla bharaṇidi gām̐bolu
yinniḍa śhrī veṁkaḍeśhu yī rūbamu