సందడి పెండ్లి నీకు సమకూడెను
(॥పల్లవి॥)
సందడి పెండ్లి నీకు సమకూడెను
కందువ నీవెవ్వతెనుఁ గలసేవో కాని
(॥॥)
కప్పుర మొకతె యిచ్చె కస్తూరి వూసె నొకతె
చిప్పిల గందము మెత్తెఁ జేరి యొకతె
చొప్పులొత్తి వేరొకతె సురటిగొని విసరె
నెప్పున నెవ్వతెను మన్నించేవో కాని
(॥॥)
వీడెమొకతె యొసఁగె విరులొకతె ముడిచె
జాడతోడ వేరొకతె చల్లెఁ బన్నీరు
వూడిగము సేసి గోరనూఁదె నిన్ను వేరొకతె
వాడికగా నెవ్వతెకు వలచేవో కాని
(॥॥)
పాదములొకతె యొత్తె పచ్చడమొకతె గప్పె
ఆదిగొని తెరవేసెనట్టే యొకతె
యీదెస శ్రీవేంకటేశ యిందరి మమ్మేలితివి
నీదయ యెవ్వరిమీద నెరుపేవో కాని
(||pallavi||)
saṁdaḍi pĕṁḍli nīgu samagūḍĕnu
kaṁduva nīvĕvvadĕnum̐ galasevo kāni
(||||)
kappura mŏgadĕ yichchĕ kastūri vūsĕ nŏgadĕ
sippila gaṁdamu mĕttĕm̐ jeri yŏgadĕ
sŏppulŏtti verŏgadĕ suraḍigŏni visarĕ
nĕppuna nĕvvadĕnu manniṁchevo kāni
(||||)
vīḍĕmŏgadĕ yŏsam̐gĕ virulŏgadĕ muḍisĕ
jāḍadoḍa verŏgadĕ sallĕm̐ bannīru
vūḍigamu sesi goranūm̐dĕ ninnu verŏgadĕ
vāḍigagā nĕvvadĕgu valasevo kāni
(||||)
pādamulŏgadĕ yŏttĕ pachchaḍamŏgadĕ gappĕ
ādigŏni tĕravesĕnaṭṭe yŏgadĕ
yīdĕsa śhrīveṁkaḍeśha yiṁdari mammelidivi
nīdaya yĕvvarimīda nĕrubevo kāni