చంచలమతులకుఁ దెలియునే సాత్వికధర్మములు
(॥పల్లవి॥)
చంచలమతులకుఁ దెలియునే సాత్వికధర్మములు
మంచమునీడవలె బహుమార్గములై తోఁచున్
(॥చంచ॥)
తీపుల అల్పపుచదువుల తెలివేలా కలుగు
కాపై మిడుఁగురుబురువులఁ గడచునె చీఁకట్లు
పైపై ప్రాకృతద్రిష్టికి పరమేలా కలుగు
పాపము కనుమాయలవలె భ్రమయించుఁ గాక
(॥చంచ॥)
కొద్దెరఁగని జడునికి సద్గుణ మేలా కలుగూ
అద్దము చిలు ముబ్బినక్రియ అజ్ఞానము వొడమున్
నిద్దము కామాతురునకు నిజ మేలా తెలియూ
వద్దనె యండమావులవలెఁ దోఁచుఁ గాక
(॥చంచ॥)
అనువుగ నక్షయపుణ్యము అది యేలా చెడును
పెనఁగెటి తననీడవలెనె పెడవాయదు యెపుడు
ఘనుఁడగుజీవుఁడు శ్రీవెంకటనాథునిఁ గని నా
పనివడి రత్నము సానఁబట్టినగతిఁ జెలఁగున్
(||pallavi||)
saṁchalamadulagum̐ dĕliyune sātvigadharmamulu
maṁchamunīḍavalĕ bahumārgamulai tom̐sun
(||saṁcha||)
tībula albabusaduvula tĕlivelā kalugu
kābai miḍum̐guruburuvulam̐ gaḍasunĕ sīm̐kaṭlu
paibai prākṛtadriṣhṭigi paramelā kalugu
pābamu kanumāyalavalĕ bhramayiṁchum̐ gāga
(||saṁcha||)
kŏddĕram̐gani jaḍunigi sadguṇa melā kalugū
addamu silu mubbinakriya ajñānamu vŏḍamun
niddamu kāmādurunagu nija melā tĕliyū
vaddanĕ yaṁḍamāvulavalĕm̐ dom̐sum̐ gāga
(||saṁcha||)
anuvuga nakṣhayabuṇyamu adi yelā sĕḍunu
pĕnam̐gĕḍi tananīḍavalĕnĕ pĕḍavāyadu yĕbuḍu
ghanum̐ḍagujīvum̐ḍu śhrīvĕṁkaḍanāthunim̐ gani nā
panivaḍi ratnamu sānam̐baṭṭinagadim̐ jĕlam̐gun